بؤیوک بیر ایمپراتور قوران، دونیانین بؤیوک بیر حیصه‌سینی قیلینج گوجو ایله زبط ائد‌ن توپال تئیمور آذربایجان‌دا مسکن سالیب نسیمی و طرفدارلارینین اونا بویون ایمه‌مه‌سیندن حیددت‌لنیر. نسیمینی جزالاندیرماق ایسته‌یه‌ن تئیمور قودرتلی شاعرین ایزینه دوشور. یاخالادیقدان، ال-قولونو کندیرلدیکدن سونرا ایسه حروفی شاعرین کلامینین قودرتینین قارشی‌سیندا آجیز قالیر، اونا سؤزده یئنیلیر و شاعری آزاد بوراخیر.

کولت. آذ گؤرکملی یازیچی عیسی موغاننانین "محشر" اثرینده قله‌مه آلدیغی، نسیمی و توپال تیمور آراسیندا اولموش دیالوگو تقدیم ائدیر:

توپال تئیمور:

- هامی منه "پیغمبرین ائلچیسی" دئییر، تعظیم ائلییرلر. تکجه سیز اطاعت ائلمیرسینیز. نیه؟

نسی‌می:

- سنین حاکمیتین قیلینج و قورخو اوزرینده برقراردیر.

توپال تیمور:

- خیردا حشرات ایری حشرت‌دان قورخور. قویون قورددان. گوجسوز آدام گوجلودن. جمعی بشر ده الله‌دان. دونیانین اؤزو قورخو اوزرینده برقرار دئییل؟

نسیمی:

- گوجلو-گوجسوز اینسان یوخدور. کامیل اینسان وار، بیر ده جاهیل. جاهیلین طرز-حیاتی حیواناتین طرزی حیاتی ایله دوغرودان دا اویغوندور. قیلینج، کوللو-قیرغین، دین، الله خوفو - هامیسی حؤکمرانلیق اوچون گرکدیر سنه.

توپال تیمور:

- عجلیم چاتاجاق، من ده کؤچه‌جه‌یه‌م بو دونیادان. اما الله خوفو چیخمایاجاق اینسانین جانیندان! ایلدیریمی، دولوسو، توفانی وار بو دونیانین. سئلی، داشقینی زلزله‌سی وار!

نسیمی:

- کامیل اینسان جمله - عالمین سیررینه واقیف اولاجاق و هئچ ندن قورخمایاجاق.

توپال تیمور:

- قورخوسوز اینسان "اینسان" دئییل، قودورموش ایتدیر!