روسییا فدراسییاسینین وطنداشی، «صولح نامینه موسیقی» لاییحه‌سینین عضوو، موسیقیچی دمیتری اوواروو خاریجی ایشلر ناظیرلیینه مکتوبلا مراجعت ائد‌رک، آدینین «آذربایجان رسپوبلیکاسینین ایشغال ائدیلمیش اراضیلرینه قانونسوز سفر ائتمیش عجنبی لرین سیاهیسی»ندان چیخاریلماسینی خواهیش ائدیب.

خاریجی ایشلر ناظیرلیینین مطبوعات خیدمتین‌دن کولت. آذ وئریله‌ن معلومات‌دا بیلدیریلیب کی، مکتوبوندا دمیتری اوواروو ۲۰۱۵-جی ایلده «سوله نامینه موسیقی» لاییحه‌سی چرچیوه‌سینده داغلیق قاراباغا سفر ائتدیینی، آذربایجانین راضیلیغی اولمادان همین اراضییه سفرین قاداغان اولوندوغو و دوغوراجاغی نتیجه‌لر باره‌ده معلومات‌لی اولمادیغینی یازیب. او، بو سفرین آذربایجانی رسپوبلیکاسینا و خالقینا قارشی هئچ بیر حالدا حؤرمتسیزلیک آنلامی داشیمادیغینی وورغولاییب.

دمیتری اوواروو آذربایجان رسپوبلیکاسینین قانونلارینا حؤرمت ائتدیینی بیلدیریب، سؤزوگئدن سفرله علاقه دار آذربایجان حکومتی و خالقین‌دان عذر ایستدیینی قئید ائدیب.

او، موناقیشه نتیجه‌سینده بیر میلیون‌دان چوخ آذربایجانلینین قاچقین و مجبوری کؤچکون وضعیتینه دوشدویونو، ۲۰ میندن آرتیق اینسانین هلاک اولدوغونو قئید ائدیب.

دمیتری اوواروو، همچینین «صولح نامینه موسیقی» لاییحه‌سینین باکییا، خصوصیله جوجوق مرجانلی کندینه سفر ائد‌رک آذربایجانلی قاچقین و مجبوری کؤچکونلر اوچون اوستاد درسلر تشکیل ائتمک و خئیرییه کونسرتی پروگراملاری ایله چیخیش ائتمک آرزوسوندا اولدوغونو ایفاده ائدیب.

دمیتری اووارووون مراجعتی مووافیق قایدادا نظردن کئچیریلیب و اونون آدینین آرزو اولونماز شخصلر سیاهیسیندان چیخاریلماسینا دایر قرار قبول ائدیلیب.