اس اس ار ای دیکتاتورو ایوسیف ایستالین چارین گیزلی پولیسی اوچون خبرلر داشیییب و اونون گتیردیی اینفورماسییالارین اکثریتی دوز چیخیب.

تلگراف. کوم خبر وئریر کی، ایوسیف ایستالینین چار روسییاسینین مخفی قوروملارینا ایشله‌مه‌سی حاقدا یئنی ادعالار اورتایا چیخیب.

موسکوا اونیورسیتتینین معلمی، پروفسور یوری حچینوو ایستالینله باغلی بو ادعانی دوغرولاییب.

بللی اولوب کی، ایستالینین ۱۹۰۶-۱۹۱۰-جو ایللرده پلیسه ایشلدیی حاقدا سند آمریکا کؤچن روسلار طرفیندن نیو یورکداکی لئو تولستوی درنیینه تقدیم اولونوب.

سند بیر مکتوبدان عبارتدیر. مکتوبو چارین خصوصی پلیس بیرلیینین کوماندانی یرمین سیبیرده‌کی مخفی خیدمتین نماینده‌سی آلکسی ژلزنیاکووا یازیب.

یرمین قید ائدیر کی، ایستالین ۱۹۰۶-جی ایلده تیفلیسده حبس ائدیلدیکدن سونرا رسمی قوروما اینفورماسییا وئرمه‌یه باشلاییب. ایستالین سانکت-پطربورگا کؤچمه‌سیندن سونرا دا بو «خیدمتی» داوام ائتدیریب، لاکین پولیسله سیستملی علاقه‌یه گیرمه‌ییب. بونونلا بئله، اونون وئردیی اینفورماسییالارین هامیسی دوغرو چیخیرمیش.

مکتوبوندا یرمین جاسوس ایستالینین قوسورسوز فعالیت گؤستردیینی دئیه‌رک اؤیونوب. یرمینه گؤره، ایستالین ۱۹۱۰-جو ایلده کمونیست پارتییاسینین مرکزی کمیته‌سینین عضوو سئچیلدیکدن سونرا اینفورماسییا وئرمیی دایاندیریب و جاسوسلوق فعالیتینه سون قویوب.

پروفسور حچینوو ۱۹۱۳-جو ایلین ۲۳ ایول تاریخینه عایید، اوزرینده قید نمره‌سی، مهرو اولان سندی سیبیر آرخیویندن الده ائتدیینی دئییب. او، سندین اوریژینالینی ایسه لئو تولستویون قیزی آلکساندرا تولستویا وئریب.