آنا صحیفه کولت |
بو گون آذربایجانین گؤرکملی شاعری، دراماتورقو علی آغا کورچایلینین دوغوم گونودور.
او، ۱۹۲۸-جی ایل فئورالین ۲۰-ده سالیان رایونونون کورقاراقاشلی کندینده دوغولوب. اورتا مکتبین ۹-جو صینفیندن تحصیلینی یاریمچیق قویاراق، زاقافقازییا دمیر یولو ایدارهسینین سالیان شعبهسینده محاسیب ایشلهمهیه باشلاییب.
الیاغا کورچایلی «آذربایجان گنجلری» قزئتی رئداکسییاسیندا شعبه مودیری، «آذربایجان» ژورنالی رئداکسییاسیندا مسئول کاتیب، آذربایجان یازیچیلار اتفاقی نشریات شعبهسینین رئیسی، «لیتراتورنیی آذربایجان» ژورنالی رئداکسییاسیندا مسئول کاتیب، آذربایجان دؤولت نشریاتیندا رداکتور وظیفهلرینده ایشلهییب. بیر مدت یازیچیلار اتفاقیندا دراماتورگییا بؤلمهسینه رهبرلیک ائدیب.
او، «عاریفین باغچاسی»، «سلام، کئچمیش گونلریم»، «نارگیندن اسن کولک»، «قلبین سیخیلسا اگر...»، «دورنالار جنوبا اوچور» و باشقا کیتابلارین مؤلفیدیر.
کورچایلی همچینین ترجمهچی کیمی ده موهوم ایشلر گؤروب. گؤرکملی روس شاعری سرگئی یئسئنینین اکثر اثرلرینی محض ا.کورچایلینین ترجومهسیندن اوخوموشوق.
قید ائدک کی، علی آغا کورچایلی ۱۹۸۰-جی ایل فئورالین ۱۱-ده وفات ائدیب.
Kult.az الیاغا کورچایلینین چوخ سئویلهن شعرلرینی تقدیم ائدیر:
خرجلدیم گنجلیگی...
خرجلدیم گنجلیگی قارا پول کیمی
یئرینی بیلمهدن، اسیرگهمهدن.
واردان-یوخدان چیخان بیر یوخسول کیمی
اونو آختاریرام، آختاریرام من.
کئفدهمی، نشهلر قوجاغیندامی
گئتدی او ایللریم، گئتدی گنجلییم؟
گؤزل خانیملارین دوداغیندامی
سویوق اؤپوش کیمی ایتدی گنجلییم؟!
یادیما سن دوشورسهن
هر چیچیین اؤز عطری،
هر گولون اؤز رنگی وار،
هر قلبین اؤز ایستیی،
اؤز سؤزو، آهنگی وار.
هر اینسان اؤز اؤمرونه
دوست سئچیر، همدهم سئچیر.
منیمسه اورییمدن
غملی بیر نیسگیل کئچیر،
یادیما سن دوشورسهن.
گؤیده بولود دولاشیر
آخشام دوشور، یئل اسیر،
هئچ بیلمیرم ندندیر
کؤنلوم بئله تلسیر.
یوللارینا باخیرام،
نه گلن وار، نه گئدن.
قلبیمدهکی اینتظار
ندیر، دوشونورهم من.
یادیما سن دوشورسهن.
تکلیک اوز وئریر منه،
چیخیرام اوتاغیمدان،
سئوگیلیلر کوچهده
دئییب-گولور مهریبان...
اونلاری بئله خوشبخت
بئله مسعود گؤرهنده
دویغولار دالغا کیمی
چیرپینیر بو سینهمده،
یادیما سن دوشورسهن.
تاریخ
2019.02.20 / 22:38
|
مولف
آیتاج آراز
|