موزئیلر تاریخین معین مقامینی اؤزونده یاشادان، اؤتن عصرلرین موختلیف حادثه‌لرین‌دن خبر وئره‌ن مادی-معنوی خزینه ساییلیر.

Kult.az دونیانین ان چوخ زیارتچیسی اولان موزئیلرینین سیاهی‌سینی تقدیم ائدیر:

«ارمیتاژ» دونیانین ان زنگین موزئیلرین‌دن بیریدیر. موزئی روسییانین سانکت-پطربورگ شهرین‌ده یئرلشیر. دونیانین ان بؤیوک موزئیلریندن اولان «ارمیتاژ»این ۳۵۰ زالین‌دا ۳ میلیونادک اکسپونات وار. موزئی ۵ بینادان عبارت‌دیر. بورادا فرانسیز فیلوسوفو وولترین ۶۵۰۰ جیلددن و ۳۷ الیازماسیندان عبارت شخصی کیتابخاناسی دا ساخلانیلیر. موزئیی هر ایل ۴ ۲۲۰ ۰۰۰ اینسان زیارت ائدیر.

چین‌ده یئرلشه‌ن ایمپئراتور سارای موزئیی ۷۰۰.۰۰۰-دن چوخ صنعت اثرینه ائو صاحبلیگی ائدیر. موزئیین کولکسییاسین‌دا ۶۹۷ ۴۹۰ اشیا وار، اونلارین اکثریتی اوللر ایمپئراتور تسیانلونون کوللئکسییاسین‌دا اولوب. موزئیی هر ایل ۴ ۴۳۵ ۰۰۰ اهالی زیارت ائدیر.

لوندون میللی گالریاسی لوندونون ترافالقار میدانین‌دا یئرلشیر. ۱۸۲۴-جو ایلده اساسی قویولان موزئیین کوللئکسییاسین‌دا ۱۳-جو عصردن ۱۹۰۰-جو ایللره عایید ۲،۳۰۰ رسم اثری وار. موزئیی هر ایل ۵ ۲۲۹ ۱۹۰ اهالی زیارت ائدیر.

واشینگتنون میللی اینجه صنعت گالریاسی دونیانین ان زنگین موزئیلرین‌دن بیریدیر. موزئیی هر ایل ۵۲۳۲۰۰۰ اهالی زیارت ائدیر.

"تاتئ مودرن» بؤیوک بریتانییانین ان مشهور اینجه صنعت موزئیی‌دیر. موزئیین دایمی اکسپوزییاسینا کاندینسکی، مالئویچ و ماتیس کیمی رساملارین، ائندی اوورهول کیمی صنعتکارلارین اوریژینال اثرلری داخیل‌دیر. دایمی اکسپوزیسییا نوواتورلارین، مشهور و حتی آرتیق کلاسیکه چئوریلمیش، دونیانی فتح ائد‌ن صنعتکارلارین اثرلری نوماییش اولونور. موزئیی هر ایل ۵ ۶۵۶ ۰۰۰ اهالی زیارت ائدیر.

بریتانییا موزئیی دونیانین ان بؤیوک موزئیلریندن بیریدیر. موزئیین کیتابخاناسین‌دا ۷ میلیون‌دان آرتیق چاپ ائدیله‌ن کیتاب وار. بریتانییا موزئیینی هر ایل ۵ ۹۰۶ ۷۱۵ اهالی زیارت ائدیر.

پاپا ۲-جی یولی طرفین‌دن اساسی قویولان واتیکان موزئیی هله ده دونیانین ان بؤیوک موزئیلرین‌دن بیریدیر. موزئیده اساساً رنسانس دؤورونه عایید ماراقلی اثرلر وار. "دده قورقود" داستانینین ایکینجی ال یازماسی محض بو موزئیده ساخلانیلیر. موزئیی هر ایل ۶ ۴۲۷ ۲۸۰ اهالی زیارت ائدیر.

چین میللی موزئیی اؤلکه‌نین ان بؤیوک تاریخ و صنعت سارایی کیمی تانینیر. ۲۰۰۳-جو ایلده اساسی قویولان موزئیی هر ایل ۸ ۰۶۲ ۶۲۵ اهالی زیارت ائدیر.

نیویورک‌دا یئرلشه‌ن متروپولیتئن صنعت موزئیینه ۲ میلیوندان چوخ اثره ائو صاحبلیگی ائدیر. موزئیی هر ایل ۶،۶۹۲،۹۰۰ اهالی زیارت ائدیر.

فرانسانین پاریس شهرین‌ده یئرلشه‌ن لوور موزئیینده ۳۰۰ مین‌دن چوخ اثر وار. ۱۴ گیریشی اولان بو موزئیی تامامیله گزمک اوچون ۳ گون واخت لازیم‌دیر. موزئیی هر ایل ۱۰.۲ میلیون اهالی زیارت ائدیر.