آذربایجان میللی علملر آکادمییاسینین (آمئا) پرزیدنتی آکیف علیزاده آمئا-نین عمومی ییغینجاغیندا خالق شاعری صمد وورغونون "واقیف" درامیندا آغا محمد شاه قاجارا یاناشمانین دوزگون اولمادیغینی بیلدیریب.

رئپورت-اون خبرینه گؤره، آ.علیزاده درامی اوخودوغونو بیل‌دیره‌رک قئید ائدیب کی، اثرده آغا محمد شاه قاجار حیددت‌لنه‌رک ملا پناه واقیفین آرخاسینجا "آپارین، آپارین اونو زیندانا، گؤز داغی چکدیرین آذربایجانا" دئییر:

"سندلرله تانیش اولدوقدا گؤرورسن کی، قاجار اثرده تقدیم ائدیلن کیمی بیر شخصیت اولماییب. سندلرده قاجارلا باغلی خئیلی مثبت مقاملار وار. پرزیدنت آدمینیستراسییاسینین رهبری، آکادمیک رامیز مهدیئو «تاریخیمیزین خانلیقلار دؤورونون سیاسی ارثی سندلر ایشیغیندا» کیتابیندا آغا محمد شاه قاجار شخصیتینه سندلرله نظر سالیب".