سودله حاضرلانان شیرنیاتلار تورکییه متبخینین اوزسیز دیسئرتلرینین باشین‌دا گلیر. آسان‌لیقلا هزم اولونان، یونگول و فای‌دالی اولان سودلو شیرنیات تورکییه‌ده هر ائوده تئز-تئز حاضرلانیر. خصوصیله ده آغیر بیر آخشام یئمیین‌دن سونرا آغزینی دادینی بیر آز دییشمک ایسته‌یه‌نلر اوچون سودلو شیرنیاتلار الا واریانت‌دیر.

آخار. آذ بو گون سیزه تورکییه‌ده عثمانلی زامانین‌دان بو یانا بیشیریله‌ن بیر سودلو شیرنیاتی تقدیم ائدیر. "فیرین‌دا سوتلواچ» آدلانان بو دیسئرت سود، دویو و شکرین هارمونییاسین‌دان یارانیر. آذربایجان‌دا «سودلو آش» و دونیانین موختلیف یئرلرین‌ده بیشیریله‌ن بونا بنزر شیرنیات نؤولری اولسا دا، تورکییه سوتلواچینین حاضرلانما و بیشیرمه قایداسی اونلاردان بیر آز فرق‌لی‌دیر.

"فیرین‌دا سوتلواچ»ی حاضرلاماق اوچون بیزه نلر لازیم‌دیر؟

یاریم (½) ایستکان دویو،
۱ ایستکان یاریم (۱،۵) سو،
۵ ایستکان سود،
۳ یئمک قاشیغی دویو اونو،
۱ یئمک قاشیغی نیشاستا،
۱ پاکت وانئل،
۱، یا ۱ ایستکان یاریم توز شکر.
"فیرین‌دا سوتلواچ» اوچون ایلک نؤوبه‌ده دویونو یویوب درین بیر قازانا تؤکون. اوزرینه یاریم ایستکان سویوق سو علاوه ائدیب دویو یومشالانا قدر قاینادیب گؤتورون.

بو آرادا، دویو اونو، نیشاستا، وانئل و شکری باشقا بیر قازانا تؤکون، اوزرینه سودو یاواش-یاواش علاوه ائد‌رک عمل‌لی-باش‌لی چالین. سونرا قازانی قازین اوزرینه قویوب الینیزی چکمه‌دن قاینایانا قدر قاریش‌دیرین. بیر-ایکی دقیقه‌دن سونرا پؤرتموش دویولری قاریشیغا علاوه ائدین و رنگی بیر آز توندلشه‌نه قدر داوام‌لی قاریش‌دیرا-قاریش‌دیرا بیشیرین.

بیشن سوتلواچی ایستییه داواملی کاسالارا تؤکون، ایلیقلاشماسینی گؤزلیین. قاینار توستوسو کئچه‌ن کیمی کاسالاری الکتریکلی سوبا قابینا یئرلشدیرین، کاسالارین یاریسینا گله‌جک قدر سو علاوه ائدین، سونرا اولجه‌دن ۲۰۰ درجه ایسیدیلمیش سوبایا قویوب اوزری قیزارانا قدر تخمیناً ۱۵ -۲۰ دقیقه بیشیرین.

سوبادان چیخان سوت‌لواچی یاخشیجا سویوماسینی گؤزلیین و بون‌دان سونرا سوفره‌یه وئرین، یئیین، نوش اولسون.