نووروز بایرامی گونلرینده تورکییه پایتختی آنکارادا کئچیریلن فئستیوالا قاتیلان «تچر» تاماشا قروپو بو دفعه «تارا» تاماشاسی ایله «اورال ایزمیر» فئستیوالین‌دا ایشتیراک ائد‌جک.

آخار. آذ خبر وئریر کی، تاماشا قروپو ایونون ۳-ده ایزمیرده کئچیریله‌جک فئستیوالا دعوت اولونوب.

«تارا» تاماشاسینین سناری‌سی «دونیادا باریش» مؤوضوعسو اساسین‌دا تبریزده یازیلیب و ایستحصال اولونوب. تاماشانین رژیسسورو و سناریستی بهزاد معصومی‌دیر.

«تچر» قروپو «تلخک» تاماشاسی ایله یازین اورتا آیین‌دا تورکییه‌ده کئچیریله‌ن آیوالیق فستیوالینا دا قاتیلیب. «اورال ایزمیر» فستیوالی «تچر» قروپونون سون آیلاردا قاتیلدیغی اوچونجو بین الخالق فستیوال اولاجاق.

«تارا» تاماشاسیندا کؤثر صالحی رژیسورون کؤمکچیسی، الیار هاشمی ایشیق دیزاینری، شاهین کاظیمنژاد موسیقی و نیما عاطفی تاماشانین مدیری کیمی فستیوالا قاتیلاجاقلار.

«اورال ایزمیر» تاماشاسی یایین اورتا آیین‌دا تورکییه‌نین ایزمیر شهرین‌ده کئچیریله‌جک.