چینیخانا سارایی شیخ صفی الدین اردبیلی بین الخالق کومپلکسینین چیلچیراقخاناسی و یا اساس تاغتاوانینین شرق حیصه‌سین‌ده یئرلشیر. خاریج‌دن بینا کسیک کونجلره مالیک کوادرات فورماسینا مالیکدیر. داخیل‌دن بینا مرکزی کوادرات فورمالی اوتاق و کونجلرده یئرلشه‌ن یاریمسککیزبوجاق‌لی آپسیدا فورمالی نیشلردن عبارت‌دیر. تاغلارین نیشلرله بیرلشدیریلمه‌سی، او جمله‌دن هون‌دور اولمایان بارابان اوزرین‌ده یئرلشدیریلمیش گونبز ایله تماملانماسی نتیجه‌سین‌ده فورمالاشدیریلمیش مورککب پلانلاش‌دیرما اؤزونمخسوس هجم-مکان حلی خصوصیتی تشکیل ائدیر.

اینتریرلرین چوخ پلان‌لی حلی بیر نئچه زنگین بزدیلمیش سطح یارادیر. ۲.۵ متر هوندورلویه مالیک اولان دیوارلار زنگین و نفیس ایشلنمیش شیره‌لی کاشیلارلا اوزلنمیشدیر. ناخیشلاردا گولدان و چیچکلر، او جمله‌دن فانتاستیک وارلیقلارین موتیولری اوستونلوک تشکیل ائدیر. پانئل سوییه‌سین‌دن یوخاری‌دا نیشلرین بوتون هج‌می تاختا ایستالاکتیت اوزلوکله اؤرتولموش‌دور. ایستالاکتیتلرده یارادیلمیش درین اویوقلار چینی قابلار اوچون نظرده توتولموش‌دور. اینتریرین بوتون حجمی – ایستالاکتیتلر، نیشلر و گونبز دیوار رسملری ایله بزدیلمیش‌دیر. هم ده کمپلکس کیتابخاناسینا ائو صاحب‌لیگی ائتمیش چینیخانا بیناسی ۱۷-جی عصرده ۱-جی شاه عباسین حاکمیتی دؤورون‌ده اینشا ائدیلمیش‌دیر.

ایپک یولون‌دا تهلوکه‌سیزلیک یاراتماق اوچون چین ایمپراتورو تقریباً دؤرد عصر بون‌دان اؤنجه شاه عباس صفوییه هدییه‌لر گؤندردی کی، اونون بؤیوک بیر حیصه‌سی اولدوقجا نفیس اولان چینیلر ایدی. بو چینیلر شیخ صفی الدین اردبیلینین مقبره‌سینه وقف اولونوبلار. شیخ بهایی ده بو نفیس قابلارین ساخلانیلماسی اوچون چینیخانا آدین‌دا خصوصی بیر موحیط کونستروک‌سییا و ایجرا ائدیب‌دیر.
حال-حاضردا بو موزئی‌ده ساخلانیلان قابلار اصفهان‌دا شاه عباسینین مهورو ایله مهورلنیر. اردبیله کؤچورولور. تاوان حیصه‌سین‌ده یئرلشه‌ن یوخاری قورویوجولارین ایچریسین‌ده دکوراسییا فورماسین‌دا یئرلشدیریلیر. بو قورویوجولارا "ایچیبوش گیپس موقرنس" دئییلیر. عمومیتله قیزیل و بیتکی بویالاری ایله بزدیلیب و گیپس و تاختا ایله حاضیرلانیب‌دیر.
اما بو کومپلئکسین چینیلرینین باشلیجا حیصه‌سی زامانین کئچیدینده قارت اولونوب و حاضردا اینگیلتره، روسییا و آمریکا کیمی اؤلکه‌لرین موزئیلرینی بزییر.