«تاخت اویونلاری» سئریالینین سون سزونو و «چرنوبیل» سریالی آمریکانین ان پرستیژلی تلویزییا مکافاتینا - «ائمی»یه صاحب اولوب.

کولت. آذ خبر وئریر کی، «تاخت اویونلاری» ان یاخشی دراماتیک سئریال نومیناسییاسین‌دا غالیب سئچیلیب. بو نومیناسییادا سئریال «ان یاخشی‌سی سولایا زنگ ائدین»، «هوانی اؤلدوررکن»، «اوزارک»، «محافظه‌چی»، «واریثلر»، «بو بیزیک» فیلملری ایله رقابت آپاریب. سئریال عمومی‌لیک‌ده ۳۲ نومیناسییا اوزره نامیزد گؤستریلیب.

«چرنوبیل» سئریالی ایسه ۱۹ نومیناسییادا نامیزد اولماقلا یالنیز «تاخت اویونلاری»ندان گئری قالیب. سووئت اتفاقی تاریخینین ان بؤیوک فاجعه‌لرینین بیرین‌دن بحث ائد‌ن فیلم ۳ کاتئقورییا اوزره «ائممی» مکافاتینا لاییق گؤرولوب. بئله کی، «چرنوبیل»- «ان یاخشی مینی سئریال»، «مینی فیلمین و یا سئریالین رژیسور ایشی»، «مینی سئریالین و یا فیلمین سناری‌سی» نومیناسییالارین‌دا هر کسی قاباقلاییب.