کولت. آذ آلمان یازی‌چی ائریخ مارییا رمارکین اثرلرین‌دن سیتاتلاری تقدیم ائدیر.

قادین سئوگی‌دن عاغیل‌لانیر، کیشی باشینی ایتیریر.

هئچ کیم کئچمیش‌ده سئودیین آدام‌دان داها یاد اولا بیلمز.

اینسان حقیقتا سئوه‌ن‌ده نئجه ده افللشیر! اؤزونه امین‌لیک نئجه ده تئز یوخا چیخیر! آدام نئجه تنها اولور؛ بوتون تعریف‌لی تجروبه توستو کیمی هاوایا سوورولور و آدام اؤزونو اینامسیز حس ائدیر.

اینسان عمرو بیر سئوگی یاشاماق اوچون چوخ اوزوندور. لاپ اوزوندور. سئوگی محتشم‌دیر. آنجاق ایکی طرف‌دن هانسینینسا اوریی همیشه سیخیلیر. دیگر طرف ایسه هئچ نسیز قالیر. سوستلشیر و نییسه گؤزلییر...دلی کیمی گؤزلییر...

منه ائله گلیر کی، قادین هئچ واخت کیشییه اونو سئودیینی دئمه‌مه‌لیدیر. قوی اونون پاریلدایان گؤزلری دئسین بونو.

ایندی آنجاق اینکلر خوشبخت‌دیر.

بیر اینسان باشقاسینا بیر دامجی ایستیلیکدن باشقا نه وئره بیلر؟ و بون‌دان داها بؤیوک نه اولا بیلر؟ سن ساده‌جه هئچ کیمی چوخ یاخینا بوراخما. بوراخسان همیشه یانین‌دا ساخلاماق ایسته‌یه‌جکسه‌ن. هئچ نیی ساخلاماقسا اولماز...

قادینلارا یا گرک عبادت ائد‌سه‌ن، یا دا ترک ائد‌سه‌ن. قالان هر شئی یالاندیر.

خوشبختلیک حاق‌دا ۵ دقیقه‌دن آرتیق دانیشماق اولمور. چونکی خوشبخت اولدوغونو دئمکدن باشقا بیر سؤز تاپمیرسان. بدبختلیکدنسه بوتون گئجه‌نی دانیشماق اولار.

سئودیی ایله گؤروشون خوشبختلیینی آنجاق بیر دفعه‌دن چوخ ترک ائدیلمیش آدام بیلر.

ایسته‌نیله‌ن سئوگی عمورلوک اولماق ایستییر. ائله ابدی عذابی دا بوندان قایناقلانیر.

بیر اینسان‌دان تمامیله آیریلدیقدان سونرا اونونلا باغلی هر شئیله حقیقتا ماراقلانماغا باشلاییرسان. بو دا سئوگینین پارادوکسلاریندان بیریدیر.

ان گؤزل شهر اودور کی، اورادا اینسان خوشبختدیر.

تسلیم اولمایانا قدر اینسان تالعین‌دن گوجلو اولور.

پریمیتیو اینسان اؤزو حاق‌دا داها یوکسک فیکیرلره دوشور.

سئوگی ایزاحاتلارا دؤزومسوزدور. اونا حرکت لازیم‌دیر.

کیمینسه اؤز آغلینی نماییش ائتدیرمیینی سئیر ائتمک چوخ یوروجودور. خصوصاً ده او عقل یوخدورسا.

هامینین عینی جور حس‌ائتمه قابیلیتینین اولماغینی دوشونمک یانلیشدیر.

اینسان اصلین‌ده واختا نه قدر آز دقت یئتیریرسه و قورخو اونو نه قدر آز ایزلییرسه، بیر او قدر خوشبخت‌دیر. لاپ قورخو سنی قاراباقارا ایزلییر، یئنه ده گولمک اولار. الیمیزدن باشقا نه گلیر کی؟

بیر شئیی یاددا ساخلا: قادینین گؤزون‌ده بیر ده هئچ واخت اونون اوچون نسه ائد‌ن‌ده گؤروندویون کیمی گولمه‌لی گؤرونمه‌یه‌جکسه‌ن.

باشقاسینا مخصوص اولان قادین سوبایدان بئش دفعه داها آرزو اولوناندیر – غریبه قایدادیر.

من اونون یانیندا دایانیب اونا قولاق آسیردیم، گولوردوم و دوشونوردوم کی، قادینی سئویب، عینی زامان‌دا کاسیب اولماق نئجه ده دهشتلیدیر.

دئییرلر، عمرون ان چتینی ایلک یئتمیش ایلدیر. قالانی اؤز-اؤزونه گئدیر.