مرجیمک‌لی کؤفته، یعنی مرجی کاتلتی، خصوصیله، ات یئمه‌یه‌ن اینسانلار اوچون خیلاصکار بیر زولال قایناغی‌دیر.

پاخلاکی‌میلر فصیله‌سین‌دن اولان مرجینین هر نؤوو تورکییه مصبخین‌ده تئز-تئز و سئویله‌رک حاضرلانیر، یئییلیر. سالاتدان پلووا، شوربادان پیروقا قدر بیر چوخ یئیجیین اساس ماتئریالیدیر مرجی. بو گون تعریفینی ورجییمیز مرجیمک‌لی کؤفته هم چای ایچرکن چرز رولونو اویناییر، هم ده اساس و یا یاردیمچی یئمک اولاراق یئییلیر.

مرجیمک‌لی کؤفتئ حاضرلاماق اوچون اولجه لازیم اولان ماتئریاللاری سایاق:

۱ ایستکان قیرمیزی مرجی،
۲ ایستکان خیردا دویو (اینجه بولغور)،
۲ عدد سوغان،
یاریم (½) ایستکان زیتون یاغی،
۳ قاشیق پامیدور توماتی،
یاریم (½) ایستکان ایستی سو،
۱ دسته جعفری،
۶ عدد یاشیل سوغان،
۱ لیتر سو،
۱ چای قاشیغی دوز،
۱ چای قاشیغی زیره،
۱ چای قاشیغی قیرمیزی بیبر،
۱ چای قاشیغی ایستیوت،
۱۰ عدد کاهی یارپاغی
زامان گلدی مرجیمکلی کؤفته نی حاضیرلاماغا.

ایلک اولاراق ۱ ایستکان مرجی یویولور، اوستونه ۱ لیتر سو تؤکوله‌رک بیشیریلیر. مرجینی یومشالیب تام بیشه‌نه و سویو چکیلنه قدر بیشیرمک لازیم‌دیر. سونرا گازی سؤندوروب قازانا ایکی ایستکان خیردا دویو (اینجه بولغور) علاوه ائدین، قاپاغینی اؤرتوب ۳۵-۴۰ دقیقه بئله‌جه ساخلایین.

ایندی دیگر ماتئریاللارین حاضرلانماسینا کئچک. اولجه تاوادا زیتون یاغین‌دا کیچیک دوغرانمیش سوغانلاری پؤرته‌نه قدر بیشیرین. داها سونرا تاوایا اوچ قاشیق تومات، قیرمیزی بیبر و ایستیوتو علاوه ائدیب قاریش‌دیرین. تاوایا یاریم (½) ایستکان ایستی سو تؤکوب ۱-۲ بوروم قاینادین. حاضیرلادیغینیز تومات قاریشیغینی بایاقکی مرجی و دویونون اوزرینه تؤکوب قاریش‌دیرین و یئنی‌دن قازانین قاپاغینی باغلایین.

تمیزله‌ییب یودوغونوز کاهینی نیمچه‌لره دوزون.

کناردا یاشیل سوغان و جعفرینی یویوب اینجه-اینجه دوغرایین. بو گؤیرتی، دوز و زیره‌نی قاریشیغا علاوه ائد‌رک یاخشیجا یوغورون. سونرا قاریشیق‌دان قوزدان بیر آز بؤیوک پارچالار قوپاریب الینیزده سیخاراق شکیل وئرین و بوشقاب‌داکی کاهینین اوزرینه دوزون. آرتیق مرجیمک‌لی کؤفته، یعنی مرجی کاتلتی حاضردیر.

نوش اولسون.