ایران آشیقلار ائوی و تهران بلدیه اینجه‌صنعت و کولتور تشکیلاتی یاردیمیلا ایران آشیقلارینین قورولتایی کئچیریلدی

۲۰ آباندا قورولان بو فستیوالدا ۳۰۰ یاخین آشیق، تبریز، گرجوستان، آذربایجان جمهوریسی، تورکیه، قارداغ، اورمو، ساوه، قم، اردبیل، سراسکند، قزوین، مییانا، همدان، خوی، کلیبر، اهر، ساراب، مشکین، کرج، موغان و تهران عاشیق‌لاری، باشقا گور سسلی ائل عاشیق‌لاری‌ تهران پردیس تیاتر سارایییندا ساز و سؤزله اوره‌ک سؤزلرینی پایلاشدیلار.

بو قورولتایدا ایران عاشیق گله‌نه‌یی موضوعسوندا بیر نئچه اوستاد آراشدیریجی، او‌ جمله‌دن اوستاد محمدعلی نقابی، صالحی، زمانخانی دانیشیق آپاردیلار و بیر نئچه تانینمیش شاعیر شعر اوخودولار.

قورولتای شبستر (گونئی) ماحالی‌نین آدلیم حاق عاشیغی، «عاشیق قشم جعفری‌‌کوندورلو»نون آدی و یادی ایله قورولموشدو.
فستیوالدا بیر چوخ میللت وکیل‌لری و دولت رسمی‌لری اشتراک ائتمیشدی‌.