یوخاری

تبریز ناموسو: تاریخی رومان -اونونجو حیصه

آنا صحیفه کولت
12 Punto 14 Punto 16 Punto 18 Punto

کولت. آذ آذربایجانین گؤرکه‌م‌لی یازی‌چی‌سی فرمان کریمزادنین " تبریز ناموسو" آدلی تاریخی رومانینی تقدیم ائدیر:

کؤچور‌ن آینوره مممدووا

اولی بورادا

" بلکه ده بو،دشمنلریمیز اولان چینلیلرین حیله سیدیر؟ آخی، اونلار بیزیم طایفادان چوخ- چوخ اذیت گوروبلر. اریم اونلاردان خراج آلیردی، اسیر ده گوتوروردو. دئدییینه گوره، چوخلو قانلار دا توولوردو. هم ده او اوزاق یئرده یاشایان چینلیلر چوخ سحربازدیلار. اونلارین شامانلاری ایسته دیکلری جیلده دوشه بیلیرلر. بلکه ده اونلار حیفلرینی اونون اریندن بو یوللا چیخماق ایسته ییر، انتقام آلیرلار؟ بلکه او قیرمیزی ساققال، ماوی گوزلو کیشی یهچئوریلن شعاع ایشیق دئییل، مکر آدلی بیر قلبی ظلمتدیر؟ بونون نتیچه سی پیس اولا بیلر. آخی شامان بابا همیشه دئییرکی، بو دونیادا هر شئیین عوضی وار. پیسلیک ائدرسن، قارشینا پیسلیک چیخار.، یاخشیلیق ائدرسن، یاخشیلیق. یوخ، بو اولا بیلمز. بو یالنیز خیالدیر، یوخدور، اووسونا بنزر بیر شئی دیر"

بئله واختلاردا قوایا غریبه گلیردی کی، بس نییه او وارلیق دییشیپ؟ شعاع اونون سئوگیلی سینه دونوب؟ هر گئجه اونون یولونو صبرله گوزله ییر. نئجه گئجه دیر کی، گوروشورلر. اما نه او دانیشا بیلیر، نه ده کی، قیرمیزی ساققاللی، ماوی گوز کیشی- شعاع.
"بو آخشام اونو دانیشدیراجاغام.- پیچیلتی ایله دئدی. – یوخ، قونشو آلاچیقلار دا ائشیدیب، شبهه یه دوشرلر. یوخ، دانیشدیریب، ونون انسانمی، جنمی، روحمو اولدوغونو بیلمه لییم"

روح دئینده قورخویا دوشدو. اونا گوره قورخویا دوشدو کی، اونون اری ده روحلار دونیاسیندا یاشاییردی و همین بو روحلا گوروشه بیلردی. همین روح اونون یانیندا غر ه لنه بیلردی، دئییردی کی، هر گئجه سنین سئودییین، ناموسدان دانیشدیغین قادینین یانینا گئدیرم. اونونلا سندن ده آرتیق محبتلیییک. بس اوندا دوبون- بیان او دونیادا خجالتلی قالمازمی؟ اونو بارماقلا گوستریب "ناموسوزدور" دئمزلرمی؟
بونا دا اوزونو ایناندیرماماغا چالیشدی. لاپ دئسه ده دوپون اینانماز. بلکه اونون کیمی بورایا اوچدو و کناردا اونون آلاچیغا گیردییینی گوردو، چادیرین باجاسیندا اوتوروب باخدی، اوندا نئجه؟

"بس بو گون نه اوچون سوروشمادین؟ آخی دونن بونا سوز وئرمیشدین؟ بس نییه اونوسورغو-سوآلا توتماق یادیندان چیخدی؟"
یادینا دوشدو کی، شعاع- ایشیق قیرمیزی ساققال، ماوی گوز کیشییه چئوریلنده اونو ماماراق یوخ، قورخو دولو بیر شهوت حسی بورویور.ائله بیر قورخو کی، دینسه، بو گوزللیک الیندن جیخار. ائله شهوت کی. دیلی- دوداغی قورویور. اود قوننماغا دا طاقتی، امکانی قالمیر. اوندا نه اینکی دوبون، هئچ یانیندا یاتان کورپه لری ده یادینا دوشمور.

بلکه ده اونو بورایا دوبونون اوزو گوندریر؟ منی سیناماق ایستییر. اگر بئله دیرسه اوندا سیناقدان چیخمامیشام. اونون یانینا گئتمه یین یئری قالماییب. گوره سن، او دونیادا دا قادینلار کیشیلرله بیرگه اولاجاق، یوخسا آیری- آیری؟ آه، من نه فیکیرلشیرم؟ دئیه سن، دلی اولورام. بئلههه شئیی دلیلر گورر، دلیلر دانیشار. بو فیکیر اونو لاپ قورخویا سالدی. فیکیرلشیردی کی، گورسون دوغرودانمی دلیدیر؟
"یاخشی دلی اولسام، هامی بونو بیلر، کورپه لریمی الیمدن آلار، اوزومو ده اوکوز گونوندن هورولموش کندیرله دیره یه سارییارلار. هله کی، بئله بیر شئی یوخدور. تانری، سنه شوکور!"

اما حس ائتمیشدی کی، کنیزلری اونا اولکی کیمی یوخ، چوخ غریبه باخیرلار. بیرتهر، حیرتله، قورخا- قورخا باخیرلار. بونون سببینی ایندی باشا دوشدو.

سحریسی گون، اویغور ائللریندن اسیر توتوب گتیریلمیش کنیزینی یانینا چاغیردی:

دی گوروم، منه نییه بئله باخیرسان؟

کنیز اونون قارشیسیندا ایکی قات اولوب، دیز اوسته چوکدو:

بویوک خاتون، من سیزه پیس معناایله باخمیرام. منیم نه حقیم وار کی، آیری جور ده باخیم؟

او کنیزین ساچلارینی سیغاللاییب مهربانلیقلا دئدی:

مندن قورخما، دوزونو دئ.

کنیز بیر آز فیکیرلشیب، سوروشدو:

بویوک خاتون، بونلار هامیسی دوغرودور؟

آلان-قوانین رنگی آغاردی. دئمک، او سری بیلیر! دئمک، بوتون اوبایا دا یاییلیب. اما او، کنیزه اوره یینی آچا بیلمزدی.
عکسینه، آچیلا بیله جک هر شئیی هامی دان گیزلتمه لییدی. اونا گوره ده اونون سوالینا بیرمدتدن سونرا سواللا جواب وئردی:
نه دوغرودور، چیچک قیز؟

دوغرودانمی اره گئدیرسن؟

کیمه؟

یئکه نیدونا.

قادینین رنگی اوزونه قاییتدی. دئمک، اونون سرینی اوزوندن باشقا هئچ کیم بیلمیر. آرخایینلاشاندان سونرا دئدی:

چیچک، سنده خبر وارمیش!

نه بیلیم.- کنیز پئشیمان-پئشیمان دیللندی. او، جسارتی، هر شئیی بیلمک ایسته یی ایله خیلی درینلره گئدیب چیخمیشدی و بونا گوره ده آغیر جزا آلا بیلردی.

بونو سنه کیم دئدی؟ آخی، منیم بارمده نه دانیشیرلارسا، هامیسینی بیلمه لییم، دانیش.

سن شامان بابانین یانینا گئدیم قاییتدیقدان سونرا او بادا سوز گزیردی کی، یئکه نیدون شامان بابانی راضی سالیب کی، سیزی نکاحلاسین.
یوخ، بئله دئییل. او، علاجسیز قالیب، شامانلا دانیشدیقلارینی کنیزه اطراقلی نقل ائله دی.- گورورسنمی، بئله دئییل.

بس اوندا..

نه؟ آچیق دانیش. دئ گوروم، نه؟ داها نه بیلیرسن؟

داوامی وار

تاریخ
2020.01.31 / 18:31
مولف
Axar.az
شرح لر
دیگر خبرلر

مشهور برند آدلاری: بئله یارانیب...

آمازونلارین آذربایجان‌دا موجودلوغونون داها بیر ثبوتو-فوتو

دونیانین ان غریبه موزه‌لری…

آناسینین «فریده»-سی، صحنه‌میزین نرمینه‌سی…

گونئی آذربایجان‌دا ملی رقصیمیز نماییش ائتدیریلدی - ویدئو

بو گون بین‌الخالق تئاتر گونودور

تاختا پارچاسی ۷۱۹ مین دلارا ساتیلدی

عرق، سرروز و سون رول - سمندر رضایئوین عمور یولو

آذربایجان کمدییاسینین بانیسی: ثابت رحمان

دونیانی حیرته گتیرن آذربایجان‌لی: اؤلنده نوه‌سینین ۱۰۰ یاشی واردی...

خبر خطّی
Axar.az'da reklam Bağla
Reklam
Bize yazin Bağla