آنا صحیفه کولت |
رشید بهبودوو ۱۹۱۵-جی ایل دکابرین ۱۴-ده تیفلیسده خاننده مجید بهبودووون عائلهسینده آنادان اولوب. اوشاق یاشلاریندان مکتب خوروندا اوخویوب و بوراداکی ایفاسی بؤیوک ماراقلا قارشیلانیب.
صنعتکارین «سئوگیلیم»، «آلاگؤز»، «باهار سنسیز»، «عزیز دوست»، «سنه ده قالماز»، «گؤزلیم سنسهن»کیمی ماهنیلاری ایندی ده دینلنیلیر.رشید تکجه ایفاچی کیمی یوخ، آکتیور کیمی ده اوغور قازانمیشدی.او، ۱۹۴۳-جو ایلده اوزییر حاجیبیلینین عینیادلی اوپرتتاسینین موتیولری اساسیندا چکیلن «آرشین مال آلان» فیلمینده عسگر رولونو جانلاندیریر و بو رولونا گؤره ۱۹۴۶-جی ایلده «ایستالین مکافاتی» ایله تلطیف اولونور.۱۹۴۹-جو ایلده ایسه بوداپشتده کئچیریلن گنجلرین و طلبهلرین عمومدونیا فستیوالیندا چیخیش ائدیر.
بوتون سووئت رسپوبلیکالاری ایله یاناشی آرگنتینا، بلغاریستان، بلچیکا، چین، فینلاندییا، هیندیستان، ایران، عراق، ایتالییا، مصر، تورکییه و باشقا اؤلکهلرده گئنیش رپرتوارلا چیخیش ائدن رشید بهبودوو، آذربایجان خالق ماهنیلارینین و آذربایجان بستهکارلارینین ووکال اثرلرینین خاریجی اؤلکهلرده پوپولیارلاشماسیندا بؤیوک رول اویناییب. او دونیانین بیر چوخ مشهور صنعتچیسی ایله یاخیندان دوستلوق ائدیردی. اونلاردان بیری ده هیندیستانین افسانوی آکتیورو راج کاپور ایدی. بعضی منبعلرده حتی راج کاپورون رشید بیه اولان سئوگی و حؤرمتینی گؤسترمک اوچون اونون الینی اؤپدویو ده یازیلیر.
داها اطرافلی آخار تی وی-نین تقدیم ائتدیی سوژئتده:
تاریخ
2019.12.14 / 11:15
|
مولف
Axar.az
|