دونه‌ن گؤرکم‌لی نفت‌چی-عالیم و گئولوق، سوکار-این بیرینجی ویتسه-پرزیدنتی، آکادمیک خوشبخت یوسیفزادنین ۹۰ ایللیک یوبیلئیی مناسیبتیله مراسیم کئچیریلیب.

آذربایجان پرزیدنتی ایلهام علیئو و بیرینجی خانیم مهریبان علیئوا مراسیم‌ده ایشتیراک ائدیبلر.

رئپورت-اون معلوماتینا گؤره، تدبیرده چیخیش اوچون سؤز آلان خوشبخت یوسیف‌زاده اؤز حیاتین‌دان ماراقلی معلوماتی دانیشیب:

«من ائولنمیشه‌م، نفت داشلاریندا ایشلییرم. اما خانیمیم کندده‌دیر، شهره گئدیر-گلیر، اؤزو ده او واخت یوللار پیرشاغی‌دا بیر کؤکدیدی. هئچ گئدیب-گلمک اولموردو. گؤردوم بو یازیق لاپ اذیت چکیر. بختیار مممدوو ایداره‌ده منیم رئیسیم ایدی. اونا بیر عریضه یازدیم. دئدیم کی، بختیار مامئدوویچ، یا پیرشاغییا الکتریچکا چکدیر، یا دا منه ائو وئر. او، اول بیر آز گؤزومون ایچینه باخدی: نه دانیشیرسان، نه یازمیسان؟ دئدیم، یازمیشام دا، باخ. سونرا بیر آز فیکیرلشیب دئدی کی، الکتریچکا چکدیره بیلمره‌م، اما سنه ائو وئرره‌م. ایندی او گون جناب ایلهام علیئو پیرشاغییا الکتریچکا ایله گلدی. من گؤردوم بو الکتریچکانی، آی خوشبخت، ۶۰ ایلده‌ن سونرا سنین الکتریچکان گلدی پیرشاغییا. ایندی بختیار ساغ اولسایدی، دئیه‌جکدی ائوی قایتار. الکتریچکا گلدی ائوی نینیرسن؟»