آنا صحیفه کولت |
شرق دونیاسینین ان مشهور موسیقیچی و موسیقیشناسلاریندان ساییلان صفیالدین اورموی آذربایجانین قدیم مدنیت مرکزی اورمییه شهرینده ۱۲۱۶-جی ایلده آنادان اولوب.
ایبتیدای تحصیلینی اؤز وطنینده آلمیش، موسیقی ساوادینین الیفباسینی و اوددا چالماغی دا بورادا اؤیرنیب. او، بغداد شهرینه گلهرک، دؤورونون ان یاخشی اونیورسیتتلریندن ساییلان "مستنسرییه"ده تحصیلینی داوام ائتدیریب.
اونون عود چالغیسی بارهده بیر نئچه افسانه وار. بیر افسانهده دئییلیر کی، قیرخ گون سوسوز قالان دونی آرخا بوراخیرلار. بو زامان تصادفا صفیتدین اورالاردا اود چالیرمیش. دوه آرخا چاتهاچاتدا اودون سسینی ائشیدیب آیاق ساخلاییر. صفی الدین چالغیسینا آرا وئردیکجه، دوه سویا دوغرو دارتینیر، او، چالغیسینی داوام ائدینجه، دایانیر. آرتیق اوچونجو موسیقی پارچاسی چالیناندا دوهنین گؤزلریندن یاش آخیردی.
دانیشیلان باشقا بیر احوالات صفیالدینین مشهور بغداد باغلاریندان بیرینده اود چالماغی حاقیندادیر. او، چالدیقجا باغدا اوچان بولبول قاناد ساخلاییر. یاخینلیقداکی بوداقلاردان بیرینه قونوب عودون باغریندان قوپان سئهرلی سسلره سانکی قولاق کسیلیر. موسیقی بولبولو ائله تاثیرلندیریر کی، او داها دا یاخینلاشاراق اوخوماغا، قانادلارینی موسیقینین هاواسینا اویغون چیرپماغا باشلاییر. بیر آز سونرا ایسه بولبول قورخوسوز-هورکوسوز آداملارین آراسیندا جه-جه وورماغا باشلاییر.
تاریخ
2020.01.17 / 11:52
|
مولف
آیتاج آراز
|