آنا صحیفه کولت |
آذربایجانین بوتون شرقده شؤهرت تاپان شاعرلریندن بیری قطران تبریزیدیر. او، ۱۰۱۲-جی ایلده تبریز یاخینلیغینداکی شادیاباد آدلی یئرده آنادان اولموشدور. شاعرین بوتؤو آدی ابو منسور قطران جیلی آذربایجانیدیر. ایلک تحصیلینی شاهاباددا آلمیش، سونرا تبریزده اوخوموشدور.
قطران بیر مدت ناخچیواندا، یئرلی حاکملرین سارایلاریندا یاشادیقدان سونرا وطنی تبریزه دونور. قطران تبریزی هله ساغلیغیندا ایکن ایستعدادلی شاعر، مودریک فیلوسوف و عالیم کیمی بیر چوخ اؤلکهلرده شهرت قازانیر. اوزونون یازدیغینا گؤره، اونو خوراساندا و عراقدا یاخشی تانیییر و سئویردیلر.
قطران قؤسنامه، قوشنامه، «وامیق و عزرا» آدلی اثرلرین، هابئله اساساً قصیدهلردن عبارت ایری حجملی دیوانین مؤلفیدیر.
۱۲-جی عصرده یاشامیش اورتا آسییا شاعری رشید وتوات یازیر کی، او، اؤمرو بویو بیرجه حقیقی شاعر تانیمیشدیر – حکیم (مودریک) قطران تبریزینی.
قطران تبریزینین شئیرلرینده اوغوزلارین آذربایجانا بیر نئچه یوروشو اؤز عکسینی تاپمیشدیر کی، همین معلوماتلار ایندی بیزیم اوچون بؤیوک اهمیت داشیییر. اونون تبریز زلزلهسینه حصر اولونموش شعیری قترانا شؤهرت گتیرمیشدی و بو شعیری ایندی ده هیجانسیز اوخوماق اولمور
یوخ، اومیدلر هئچ زامان دوغرولمور،
جونکی دونیانین بونؤورهسی اعتبارسیزدیر.
گئجه ایله گوندوز بیر-بیرینی اوزلدیکجه، سن دییشیرسن
ایللر یولدا دایانماییب، ایرلی تلسیر.
سن گلهجهیه اومیدله خیردا شئیلرین دردینی چکیرسن،
فلک ایسه پوسقودا دوروب سنی فلاکته یاخینلاشدیریر.
ائی خوشبخت، ائله دوشونورسهن کی، بدبختلیکدن قورتولاجاقسان.
گؤردویون گؤزللر ده دایم جاوان قالاجاق.
دونیادا گؤزللیکده بوللوق و عظمتده
تبریزدن یاخشی شهر یوخ ایدی.
اورادا امیر، رعیت، اوردو باشچیلاری و عالیملر
هر کس اؤز ایستدیی کیمی یاشاییردی.
بعضیلری اللها، بعضیلری خالقا خیدمت ائدیردی،
کیمی سروت دالینجا، کیمی آد دالینجا گئدیردی.
بیری قزل دینلییر، شراب قدهی ایستییر،
بیری جئیران اوولاماق اوچون شیکارا گئدیردی،
گوندوزلر شیرین دیللی خانهندهلرین
گئجهلر ایسه گؤزللرین نغمهلرینی دینلییردیلر.
هئچ کس دوستونا و قونشوسونا بؤهتان آتمیردی،
کوبود سؤزلر هامییا یابانچی ایدی.
بیردن ائله گون گلدی کی، یئر تیترهدی
هر شئی بیر-بیرینه قاریشدی.
یئر آرالاندی، آغاجلار ییخیلدی
دلی سئل هر یعنی آغزینا آلدی.
بو بلادان جانینی قورتارانلار همیشهلیک
آغلایا-آغلایا قورخودان نال کیمی اییلدیلر.
الله دونیانین اوولکی عظمتینی علیندن آلدی،
یئردهکی گؤزللیک یئرلی-دیبلی یوخا چیخدی.
قتران ۱۰۸۸-جی ایلده تبریزده دونیاسینی دییشمیش و سورخاب محلهسیندهکی مشهور شاعرلر قبیریستانلیغیندا دفن اولونموشدور.
تاریخ
2020.01.17 / 18:31
|
مولف
آینورا مممدووا
|