بهروز وثوقی جنوبی آذربایجان‌لی آکتیوردور. او، ۱۹۳۸-جی ایلده ایرانین غربی آذربایجان اوستانینین خوی شهرین‌ده آنادان اولوب. اینقیلاب‌دان تخمیناً ایکی ایل سونرا آمریکایا کؤچه‌رک بورادا مسکونلاشان آکتیور، بیر داها ایرانا قاییتماییب.

حال-حاضردا آمریکادا یاشایان بهروز وثوقی کینماتوقرافییا ساحه‌سین‌دن اوزاقلاشیب. ۱۹۷۵-جی ایلده تانینمیش جنوبی آذربایجان‌لی موغه‌ننی و آکتریسا قوقوشلا عائله حیاتی قورسا دا بو ائولی‌لیک چوخ چکممیش، جوتلوک ۱۹۷۶-جی ایلده ائولی‌لیکلرینی سونلاندیرمیشدیلار. آمریکایا کؤچدوکدن سونرا بورادا ایکینجی دفعه عائله حیاتی قوران بهروز وثوقینین بو ائولی‌لیک‌دن ۲ اؤولادی وار.
کاریراسینا ساموئل خاچیکیانین «توفان در شهر ما» فیلمی ایله باشلایان آکتیور داها سونرا ۱۹۶۲-جی ایلده رژیسور عباس شباویزین «گول گوم شده» فیلمین‌ده اویناییر. ۱۹۶۹-جو ایلده چکیله‌ن مسعود کیمیاینین «قیسر» فیلمین‌ده‌کی رولو ایله ایرانین ان مشهور آکتیورلارین‌دان بیرینه چئوریلیر.
وثوقینین اونا ان چوخ شؤهرت گتیره‌ن پرفورمانسی ایسه امیر نادیرین «تنگسیر» (۱۹۷۵) فیلمین‌ده‌کی عدالتی آختاران کندچی زار محمد اوبرازی اولور. عینی ایل «ته بهیو» فیلمین‌ده ابی اوبرازینی جانلاندیریر.

او آوروپا و آمریکا ایستحصالی فیلملرده اوینایان ایلک ایران‌لی آکتیورلاردان بیریدیر.

۲۰۰۰-جی ایلده سان فرانسیسکو فیلم فستیوالین‌دا ایران کینموتوگرافییاسینا وئردیی تؤهفه‌لره گؤره «آکیرا کورسوا» موکافاتینا لاییق گؤرولور. آکتیور کاریراسین‌دان باشقا ۲۰۱۲-جی ایلده ایران نوور فیلم فستیوالین‌دا رسمی فیلم مونصیفی کیمی ایشتیراک ائدیر. حال حاضردا فارس قابیلیت شووسونون مونصیفلرین‌دن بیریدیر.