دونیانین ان ماراق‌لی موزئیلرین‌دن بیری اولان تبریزین دمیر دؤورونه عایید موزئیی، بو شهرین درین تاریخه مالیک اولدوغونو گؤسترمک‌ده‌دیر.

آخار. آذ-این معلوماتینا گؤره، «تبریز دمیر دؤورو موزئیی»نده ۴۰۰۰ ایللیک قبیرلر وار، قبیرلرده اینسانلارین زینت اشیالاری ایله بیرگه باسدیریلدیغی گؤرونور.

یئرین آلتین‌دا، قاران‌لیق بیر مکان‌دا یئرلشن موزئی تبریزده‌کی گؤی مسجیدین شیمال، شیمال-شرق و شیمال-قرب طرفین‌ده قرارلاشیب. موزئی مزارلیق و دمیر دؤورونه عایید گیل-تورپاق اثرلرین‌دن عبارت‌دیر. بو اثرلردن تبریزین نئچه مین ایللیک تاریخه مالیک اولدوغونو آنلاماق مومکون‌دور.

موزئی‌ده ۳۸ قبیر وار، سکلتلر کؤرپه یاش‌دا اؤل‌ن اینسانلارا عاییددیر. کؤرپه‌لرین مزاری ساده‌دیر، لاکین یئنی‌یئتمه‌لر گیلدن دوزلدیلمیش ایکی قابلا بیرلیک‌ده کوادرات شکیلینده اولان قبیرلرده باسدیریلیب. اوشاقلار اویون‌جاقلاری، کیشیلر ساواش آلتلری و قادینلار زینت اشیالاری ایله بیرلیک‌ده دفن ائدیلیب.

دمیر دؤورونه عایید موزئی ۲۰۰۶-جی ایلده‌ن گونئی آذربایجان و ایرانین بیرینجی صهرا موزئیی کیمی فعالیته باشلاییب.