یوخاری

چاغداش گونئی ادبیاتی نماینده‌سی- علی جاوادپور

آنا صحیفه کولت
12 Punto 14 Punto 16 Punto 18 Punto

علی جاوادپور ۱۹۷۳-جو ایلده آراز ساحلین‌ده یئرلشه‌ن خودافرین بؤلگه‌سینین ایسکان‌لی کندین‌ده آنادان اولوب. تبریز اونیوئرسیتئتینین فارس دیلی و ادبیاتی فاکولته‌سینی بیتیریب.

"ناظیم حیکمت شئیرین‌ده و تفککورون‌ده آختاریشلار" آدلی دیپلوم ایشینی مدافعه ائتمکله علمی درجه آلیب.

بیر مدت خودافرین بؤلگه‌سین‌ده چالیشیب، حاضردا ایسه تبریزده اورتا مکتب‌ده ادبیات معلمی‌دیر.

تبریز، تئهران، زنجان و اورمو شهرلرین‌ده یایین‌لانان گون‌ده‌لیکلرده، درگیلرده، موختلیف اینتئرنئت سیته‌لرین‌ده، ائل‌جه ده آیری-آیری ادبیات پورتاللارین‌دا یازیلاری و شئیرلری آردیجیل درج اولونور.

بئش کیتابی ایشیق اوزو گؤروب.

سن و آی

اوریینی بیر ایلیق روزگار تیترت‌سه،
گئجه آیی سئودیینین بیرینه
و اونون گؤزونه اوخشادا بیلرسه‌ن!
ایچرین‌ده بیر حیرت اویان‌سا،
گؤی‌ده آیی
تانرینین بارماق ایزینه اوخشادا بیلرسه‌ن!
کایناتا قول چکیب،
بارماق باسیب دئیرسه‌ن،
گوندوز گونش ایله، گئجه آی ایله!
ایللرین آجلیغین چک‌سه‌ن،
اونو اتیی اونلو بیر قادین کیمی گؤررسه‌ن -
چؤرک توزونا اوخشادا بیلرسه‌ن!
دیللرین هسرتین چک‌سه‌ن،
اونو تورکوسو دوستاق بیر سینیق اوزان
قوپوزونا
اوخشادا بیلرسه‌ن!
بونلار هامی‌سی اوخشاتمادیر
و آی ائله آیدیر.
ایشیغین‌دا بیر آز گونش دادی وار،
چئوره‌سین‌ده گونش کؤلگه‌سی، گئجه فریادی!..
بو اوخشاتمالار
باشینی قاتار، دوستوم
اوریی ایلیق روزگارلی،
ایچری‌سی حیرت‌لی،
قارنی آج،
دیلی دوستاق
یوخو توتار، آپارار سنی بیر اوغرو کیمی!
یاتارسان اؤمرونون بیر گئجه‌سین‌ده،
بئله‌جه یوخولار زین‌دانین‌دا!
سحر آییلارسان قوشلارین سسینه،
جانین‌دا بیر اود،
گؤی‌ده سحره قالمیش آیی گؤررسه‌ن،
سولموش آیی گؤررسه‌ن
و اونا شئیر سؤیلیرسه‌ن.
سنین اوزونو آغ ائیله‌یه‌ن گئجیمیش دئمه،
آی گؤیون سون‌سوز ماویلیین‌ده
سحره قالمیش سولغون آی!

قاتار قاییتماز

نه اؤزون گلرسه‌ن، نه ده خبرین،
یوخ، سنی آپاران قاتار قاییتماز.
یوللار یادیرغایار، اونودار
یوللار کورک اوسته یاتار، قاتار قاییتماز!

گئدر، دایانماز کی ایلین قاتاری،
گئدر بی قاتاری، گلین قاتاری،
کیم دئییر قایتاراق، گلین، قاتاری،
گئدر گؤزدن ایتر، قاتار قاییتماز!

گئتدین اینده‌ن بئله هر گلن‌ده یاز،
سولغون گؤرونه‌جک چیچکلر بیر آز،
سونبوللر ساچینی کولک داراماز،
ایللر باشا چاتار، قاتار قاییتماز!

گئدن‌ده دولوی‌دو بو بوش قاتارلار،
دونیا قاتار-قاتار بوشالار، دولار،
کیم‌دن کوسمک اولار، اینجیمک اولار،
علین هارا یئتر، قاتار قاییتماز؟!

یاغیش یادداشلاردان ایزلرین اودور،
هر گون اؤمروموزدن بیر گونو اودور،
یالان‌دان گؤزلییر علی جاوادپور،
یوخ، سنی آپاران قاتار قاییتماز!

تاریخ
2020.01.24 / 20:25
مولف
آینورا مممدووا
شرح لر
دیگر خبرلر

باکی‌دا «قارداشلیق داستانی» آدلی کنسرت کئچیریله‌جک

«کوراوغلو هاوالاری» نین ماهر ایفاچی‌سی: آشیق دمیر گده‌بیلی

گوگل‌-ین «تهلوکه‌سیزلیک کرالیچاسی»: پریسا تبریز…

شوشینسکی: واختین‌دا صحنه‌دن گئتمیین ان آغایانا نمونه‌سی…

آوروویزییا-۲۰۲۴»: اونلاین سسوئرمه‌ده نئچه‌نجیییک؟

مدلین ۷ میلیونلوق مالیکانه‌سی کول اولدو - فوتو

سیبل جان ممدباغیرین ماهنی‌سینی اوغورلادی - ویدئو

مشهور آکتیور حبس ائدیلدی

اورخان صفارینین یئنی کتابی نشر اولوندو

«آوروویزییا ۲۰۲۴» ماهنیمیز تقدیم ائدیلدی - ویدئو

خبر خطّی
Axar.az'da reklam Bağla
Reklam
Bize yazin Bağla