آنا صحیفه کولت |
داوود آزاد آذربایجانلی موغهننی و بستهکاردیر.
کولت. آذ خبر وئریر کی، او، داوود آزاد ۶ اوکتیابر ۱۹۶۳-جو ایلده اورمییهدا آنادان اولوب. ۱۹ یاشیندا موسیقی ایله مشغول اولماغا باشلاییب. ۲۵ یاشیندا اولاندا ایلک کاستلری ایشیق اوزو گؤرور.
"مکتب تار تبریز" آدلانان بو لنت یازیسی او دؤورده بیر چوخلاری اوچون تاردا ایفا ائتمک اوچون ایستاندارتا چئوریلیر. صوفی موسیقیلری ایفا ائتمکدن و بستکارلیقدان باشقا تار، سهتار، تنبور، اود، دف، و روباب کیمی موسیقی آلتلرینده ده ایفا ائده بیلیر. سون ۳۰ ایلده کئچیریلینه بوتون صوفی ییغینجاقلاریندا ایشتیراک ائدیب و رومینین سؤزلرینه بستهلدیی موسیقیلری ایفا ائدیب. بوتون دونیا اوزره آوروپادا، شیمالی آمریکادا، لاتین آمریکاسیندا، آوسترالییادا، هیندیستاندا، یاپونییا و بوتاندا ۳۰۰-دن چوخ فستیوال و کنسرتلرده ایشتیراک ائدیب. داوود آزاد اوکسفورد اونیورسیتتینه ایران موسیقیسی و اونون نؤولری حاقیندا محاضیره دئمک اوچون چاغیریلمیش ایلک ایرانلی محازیرهچیدیر. اونون "رومینین دیوانی و باخ" آلبومو ایران موسیقیسی ایله کلاسیک غرب موسیقیسینین ایلک سینتزی ساییلیر. بو آلبومدا ایفا اولونان موسیقیلر بیر چوخ بینلخالق فستیواللاردا و رادیولاردا سسلندیریلیب.
تاریخ
2020.01.28 / 15:59
|
مولف
آیتاج آراز
|