آذربایجان میللی خالق رقصلری سیلسیله‌سین‌ده قایتاغی خالق رقصی حاقین‌دا یازی تقدیم ائدیر:

قایتاغی – مئلودیک جهتدن سون درجه واضح، منتظم، قطعی و سرعت (تمپ) اعتباری ایله چوخ یئیین و دینامیک اولان آذربایجان اویون هاواسی. موسیقی اؤلچوسو باشلیجا اولاراق ۶/۸ – دیر، لاکین موسیقی جمله‌لری ایچریسینده ایکی حصه‌لی وزنله اوچ حصه‌لی وزنین آردیجیل صورت‌ده نؤوبه‌له‌نمه‌سینه ده تصادف ائدیلیر کی، بو دا موسیقینین ایتیلیینی خیلی آرتیریر. قایتاغی رقص ایفاچیلیغین‌دا اوینایانلار آراسین‌دا یاریش دویغوسو اویادیر، اونلارین چئویکلیینی، ویرتووزلوق قابیلیتینی، یورولمامازلیغینی، گوجونو، قوتینی نماییش ائتدیریر.
آذربایجانین تانینمیش بسته‌کارلاری سعید روستموو و توفیق قولیئو قایتاغی خالق رقصینین موتیولری اساسین‌دا یئنی قایتاغی رقصلری بسته‌له‌ییب. توفیق قولیئوین بسته‌لدیی قایتاغی رقصی احمد هارادادیر فیلمین‌ده فیلم موسیقی‌سی کیمی ایستیفاده ائدیلیب.