یارلیق سؤزونون بیر نئچه آنلامی وار.

کولت. آذ خبر وئریر کی، "آذربایجان تورکو" تلگرام کانالی بونونلا باغلی اؤیردیجی پایلاشی ائدیب. بیلدیریلیر کی، گتیریله‌ن اؤرنک "ائتیکئت" آنلامی داشیمیر:

۱) یارلیق: کلاسسیک ادبیات‌دا دوستلوق، یولداش‌لیق؛ محبت، سداقت معنالارین‌دا ایشلنمیش‌دیر.من گتیردییم اؤرنک‌ده یارلیق بو معنا دا ایشلنیلیب.
۲) چوخ آدام دئییردی کی یارلیق فرمان، بویوروق دئمک. او دا دوغرودور. یارلیق: تاریخ. قیزیل اوردا خانلارینین، اؤزلرینه تابع اولان آیری-آیری یئرلرین ایداره‌سینه عایید فرمانی.
۳) اما یارلیق ائتیکئت سؤزو ده دانشیییر. ائتیکئت ندیر؟ بیر نیشان، بلگی، ایشاره. یارلیق: ماللارین و یا باشقا بیر شئیین اوستونه یاپیش‌دیریلان و اونلارین آدینی، نؤوونو، چکی‌سینی، قیمتینی و س.-نی گؤسترن کاغیذ پارچاسی؛ ائتیکئت. اؤرنک: مالین یارلیغی جیریلیب.
۴) و مجازی معنادا یارلیق : دامغا. هر کسه بیر یارلیق وورور