آنا صحیفه کولت |
سیویلیزاسییالارین کسیشمهسینده یئرلشن آذربایجانین تاریخ بویونجا اوزلشدیی چتینلیکلره باخمایاراق، آنا دیلیمیز قورونوب ساخلانیب و نسیلدن-نسله اؤتورولوب. بو گون دونیادا ۵۰ میلیوندان چوخ اینسان آذربایجان دیلینده دانیشیر. یونسکو-نون باش قرارگاهیندا آذربایجانین داهی شاعر و متفکیری عمادالدین نسیمینین آنادان اولماسینین ۶۵۰ ایللیک یوبیلیی قید اولونوب.
آذرتاج خبر وئریر کی، بو فیکری یونسکو-نون باش قرارگاهیندا بین الخالق آنا دیلی گونو مناسیبتیله تشکیل ائدیلمیش تدبیرین آچیلیشیندا قورومداکی دایمی نمایندلییمیزین ۳-جو کاتیبی نیگار قوربانووا ایستئندیمیزی زیارت ائدن قورومون باش دیرکتورونون تحصیل اوزره معاوینی ایستفانیا سیاننینییه دئییب.
او، آنادیللی پوئزییامیزین اینکیشافیندا مستثنی رول اوینایان متفکیر شاعر عمادالدین نسیمینین دیلیمیزین تشویقی اوچون حاضیرلانمیش پوستئرده یازیلمیش بیتینی ایضاح ائدیب. بیلدیریب کی، بؤیوک شاعر اثرلرینده اینسانا اولدوقجا یوکسک دیر وئریب، اونو ان عالی وارلیق حساب ائدیب. عمادالدین نسیمی آذربایجان ادبیاتی تاریخینده فلسفی شعیرین اؤزولونو قویموش، بدیعی سؤزو فورما و مزمونجا زنگینلشدیرمیش، آذربایجان دیلینی ادبی-بدیعی دیل سوییهسینه یوکسلدن اوستاد ادیبدیر.
قید ائدیب کی، تاریخ بویونجا آذربایجان الیفباسی معین سببلره گؤره دفعهلرله دییشیب، آنجاق بونون دیلیمیزه تأثیری اولماییب. آذربایجان موستقیللیینی برپا ائتدیکدن سونرا اؤلکهده لاتین گرافیکاسینا کئچیلیب.
تاریخ
2020.02.22 / 19:13
|
مولف
Axar.az
|