باکینین چوخ سای‌دا توریست جزب ائد‌ن واجیب توریسم و تاریخی یئرلری آراسین‌دا شیروانشاهلار سارایی دا وار.

شیروانشاهلار سارایی باکینین ۱۵-جی عصره عایید ان اساس تاریخی بینالارین‌دان ساییلیر.

باکینین مدنی میراثینین قورونماسی ایداره‌سی بو بینانین قورونماسینا چالیشیر، بونون اوچون بؤیوک ایشلر گؤرور.

اصلین‌ده، باکی، حیدر الیئو مرکزی، آلوو بورجلری، باکی فرش موزئیی و داها بیر چوخ باشقا مودرن تیکیلیلره باخمایاراق، تاریخی حیصه‌سینی ترک ائتمه‌یه‌ن بیر شهردیر. بو دا شهرین محتشملیینی داها دا آرتیریر و اؤزونمخصوصلوغو ایله هر بیر زؤوقه مالیک هر بیر توریستی جزب ائتمیی باجاریر.

تقریباً ۵۰۰ ایللیک تاریخی اولان و ۱۵۳۸-جی ایله عایید شیروانشاهلار سارایی او دؤورون مهم اثرلرین‌دن بیریدیر. اصلینده، او زامان شاماخی بؤلگه‌سین‌ده باش وئره‌ن زلزله‌دن سونرا دؤولت پایتختی باکییا کؤچورور، باکی‌دا حکومت اوچون بیر سارای تیکیلیر.