«سال‌لی بولاق» قربی آذربایجان ویلایتینین پولدشت منطقه‌سین‌ده یئرلشه‌ن ائشقاباد کندینین توریزم مکانلارین‌دان بیری‌دیر.

آخار. آذ خبر وئریر کی، ائشقابادلا کینیکور کندلری آراسین‌دا یئرلشه‌ن «سال‌لی بولاق»این سویو ۴۰۰ هکتار اراضییه یاییلیر. یئرلی اهالینین دئدیینه گؤره، مشهور بولاغین ان آزی ۲۰۰۰ ایل یاشی وار. بولاغین یئرلشدیی اراضی‌ده ۲۴ بولاق مؤوجوددور. اونلاردان ان مشهورو سال‌لی بولاق، احمد بولاغی و پورو گؤلودور. بؤلگه‌ده اکین‌چی‌لیک سویونون اساس منبیی محض بو بولاقلاردان تعمین اولونور. «سال‌لی بولاق»دا سویون یاتاغین‌داکی داشلارین دوزولوشو بو منطقه‌ده قدیم دینلرین اولدوغونا ایشاره ائدیر. یئرلی اهالینین وئردیی معلوماتا گؤره، قدیم زامانلاردا موسافیرلر بو مکان‌دا استراحت ائدرمیشلر. «سال‌لی بولاق» اطرافین‌دا چوخ‌لو وحشی حیوان، او جمله‌دن قورد، چؤل پیشیی، سویتی، دونوز، چاققال و چؤل اؤردیی، چؤل قاضی، دورنا، قو و س. کیمی قوشلار یاشاییر.