یوخاری

باکی ایرانی بو قیمت‌لی بیتکی ایله تعمین ائدردی- روسییالی عالیم

آنا صحیفه کولت
12 Punto 14 Punto 16 Punto 18 Punto

اورتا عصرلرده باکی اطرافی و آبشرون کندلرینده بئجریله‌ن ان قیمتلی بیتکی و مهم ایخراج ماللارین‌دان بیری ده اعلا کیفیت‌لی ظفران ایدی. آبشئرون‌دا ظفرانین ایکی نؤوو بیتیردی: مده‌نی و یابانی. آلتییل‌لیک بیتکی اولان بیرینجی نؤو داها یوکسک قیمتلندیریلیردی، اونون آلقیرمیزی رنگ‌لی چیچکلرین‌دن ایستیفاده اولونوردو. بو قیمت‌لی بیتکینی سحر سوبه‌دن بؤیوک ساحه‌لردن ییغیردیلار. ایکینجی نؤو ظفران چوخ بؤیوک ساحه‌لری توتور و اوجوز قیمتلندیریلیردی. منبع‌لرین معلوماتینا گؤره، ظفرانی آزاجیق میقداردا موملا قاریشدیریر، خیردا-خیردا دوغراییر و بو جور ساتیردیلار.

۱۸-جی عصرین اوللرین‌ده باکینین هندورین‌ده یوزلرله ظفران ساحه‌سی وار ایدی. منبع‌لرین یازدیغینا گؤره، ۱۸-جی عصرین ۳۰-جو ایللرین‌ده "باکینین تورپاغی دئمک اولار کی، بوتونلوکله داشلیق اولدوغون‌دان شهرین اؤزونده ظفران باغلاری آز ایدی... تورپاغی داها مونبیت اولان آبشرون یاریماداسین‌دا ایسه بئله باغلار قات-قات چوخ ایدی...» شووه‌لان، بیلگه کندلرین‌ده ظفران اکین ساحه‌لری داها چوخ ایدی. ظفران چوخ قیمت‌لی محصول اولوب، تصروفات‌دا گئنیش ایستیفاده ائدیلیر. ظفران ادوییه کیمی یئمک‌ده ایشلدیلیر. بو ایپک و یون پارچالاری و خالچالاری بویاماق اوچون چوخ الا بویاق (نارینجی رنگ) ماده‌سی ایدی.

عالیم و سیاح کروسینسکی باکی حاقین‌دا دانیشارکه‌ن قید ائدیردی: "بو شهر ایرانی ظفرانلا تعمین ائدیر. ایرانلیلار اونو دویویه وورماق‌دان علاوه، باشلیجا اولاراق ایپک بویاماقدا ایستیفاده ائدیردیلر...» ظفران ابن سینانین "قانون» کیتابیندا قید ائتدیی بیر سیرا خسته‌لیکلرین معالیجه‌سین‌ده ایشله‌دیله‌ن درمان واسطه‌سی کیمی شرق‌ده هله ۱۰-جو عصردن معلوم ایدی. گؤستریله‌ن کند تصروفاتی محصولو تکجه شهر اهالی‌سی طرفین‌دن ایستیفاده اولونمور، هم ده ایخراج ائدیلیردی.

تاریخ
2020.03.24 / 15:48
مولف
Axar.az
دیگر خبرلر

آذربایجان‌لی قیز باجاریغی و حکایه‌سی ایله تعجبلندیردی - ویدئو

روسیا طالبانلا بیرلیکده فیلم چکیر

"مخفی ماتریاللار"این موسیقی‌سینین مؤلفی وفات ائتدی

ژوتانین ناکام عشق حکایه‌سی: خانمی ایله نئجه تانیش اولموشدو؟ -

«قوردلار وادیسی پوسو»نون آکتیورو اؤلدو - فوتو

اردبیل‌ده تاریخی عابده‌لرین چوخو داغیلیب

آذربایجان سلاح‌لی قوه‌لرینین یارانماسین‌دان ۱۰۷ ایل اؤتور.

آذربایجان‌دان ایرانا طیاره‌سی ایله قاچان پیلوت گئری قایتاریلدی...

ارمنیلر داها بیر ماهنیمیزی اوغورلادیلار - ویدئو

تبریزده ماراق‌لی کونسرت کئچیریلدی

خبر خطّی
Axar.az'da reklam Bağla
Reklam
Bize yazin Bağla