بو گون "هاممال لقب‌لی سراب‌لی شاعر بایرامه‌لی آبباسزادنین دوغوم گونودور.

شاعر حامبال عصریمیزین اوللرین‌ده باکی مطبوعاتین‌دا «حامبال» تخلص‌لو بیر شاعر چیخیش ائدیردی. او دوغرودان دا حامبال ایدی. «قافقاز و محرکوری» گمی‌چی‌لیک شیرکتین‌ده حامبال‌لیق ائدردی.

کولت. آذ خبر وئریر کی، اصله‌ن جنوبی آذربایجانین سراب محلین‌دان‌دی. ایبتیدای تحصیلینی ملاخانادا آلمیشدی. سونرالار مادی چتین‌لیک اوزون‌دن تحصیلینی یاریمچیق قویوب قازانج اوچون باکییا ایشله‌مه‌یه گلمیش‌دی. باکی‌دا ایشلدیی ایللرده شعر یازماغا باشلاییر. ایلک شعرلرینی «میرزه گولزار» ایمضاسی ایله درج ائتدیریردی. اصل آدی بایرامه‌لی، فامیلییاسی ایسه عباس‌زاده ایدی. شعرلرینی بزه‌ن کؤرپوده آرخاسین‌دا گزدیردیی پالانین و یا دیزینین اوستون‌ده یازاردی. بیر مدتدن سونرا او، م. ا. صابیرله گؤروشور. صابیر اونداکی ایستعدادی گؤروب مصلحت بیلیر کی، شعر یازماغی داوام ائتدیرسین و اونلاری «حامبال» ایمضاسی ایله درج ائتدیرسین. صابیرله تانیشلیغین‌دان سونرا بوتون قزئت و ژورناللار اونون شعرلرینی درج ائدیرلر. بو شعرلرده او، ظلمه، عدالت‌سیزلییه قارشی چیخیر، مظلوم اینسانلارین و کیم‌سه‌سیزلرین آرزو و ایستیینی ایفاده ائدیردی.

مبالیغه‌سیز دئمک اولار کی، حامبالین بوتون شعرلرین‌ده صابیر نفسی، صابیر روحو آیدین دویولوردو ۱۹۲۰-جی ایلده‌ن سونرا حامبال آذربایجان «قیزیل قلملر» جمعیتینه عضو قبول ائدیلیر و «کوممونیست» قزئتین‌ده ایشه گیریر. حامبال ۱۹۲۶-جی ایلده ایون آیینین ۳-ده باکی شهرین‌ده وفات ائدیر. ۱۹۴۸-جی ایلده آذرنشرده حامبالین «سئچیلمیش اثرلری»نی چاپ ائدیلیب