Axar.az
یوخاری
10 اییول 2020


تورکلرین نؤوبتی قدیم داستانی: شو

آنا صحیفه کولت
12 Punto 14 Punto 16 Punto 18 Punto

ایسگندر سمرقندی کئچیب، تورک تورپاقلارینا گیره‌ن‌ده تورکلرین حکمداری شو آدلی بیر گنج ایدی.

بالاساقون‌دا شو قالاسین‌دا بؤیوک بیر اوردو ایله اوتورموش‌دو. کیم‌سه‌دن خبرسیز بیر دسته گؤندرمیش‌دی کی، ایسگندر اوردوسونون حرکتلرینه نظارت ائتسین. شونون بیر گوموش حوضو واردی. ایچری‌سین‌ده قازلار، اؤردکلر اوزوردولر. گنج هؤکمدار ایسه اونلاری سئیر ائدیب دینجلیردی. اوندان سوروشان‌دا کی، "ایسگندر گلیر، نه ائدک؟ دؤیوشک، یوخسا؟.." جاوابین‌دا دئدی:

" بو قازلارا، اؤردکلره باخین، گؤرون نئجه گؤزل اوزورلر". خالق گؤردو کی، دونیا هؤکمدارم وئجینه دئییل، نه دؤیوشه حاضیرلاشیر، نه ده بیر یانا قاچماق فیکری وار. شونون گؤندردیی اؤنجوللر گلیب خبر گتیردیلر کی، ایسگندرین قوشونلاری یاخینلاشیر. حکمدار گئجه ایله یوروش امرینی وئردی. حاضرلیق‌سیز خالق علینه نه کئچ‌دیسه مینیب شونون آرخاسینجا گئت‌دی، مینیک تاپا بیلمه‌یه‌ن ۲۲ کیشی عائله‌سی ایله یورددا قال‌دی. اونلار "نه ائدک؟" دئیه دوشونرکه‌ن داها ایکی کیشی عائله‌لری ایله اورایا یاخینلاش‌دی. دئدیلر کی، بو حریف (ایسگندر) گل‌دی- گئدردی، نئجه اولسا چیخیب گئده‌جک، یوردوموزو ترک ائتمیک. همین ایکی کیشییه "قال آچ" دئدیلر، اونلارین اؤولادلاری ایندی "قالاج" (کالاچ/ خالاچ) آدلانیر. ایسگندر قوشونو ایله گلیب حاقین‌دا صحبت گئدن ۲۲ کیشینی گؤردو. اونلارین اوزلرین‌ده‌کی علامتلره باخیب، کیم‌سه‌دن سوروشمادان "تورک مانند" دئدی (یعنی "تورکه بنزییرلر"). ایسگندرین همین سؤزو ایله بو کیشیلرین آدی "تورکمه‌ن" اولاراق قال‌دی. تورکمه‌نلر ۲۴ بوی‌دور. ۲ بوی قالاچلاردیر کی، اونلار ۲۲ بوی اصیل تورکمه‌نلردن فرق‌لنیرلر. تورکلرین حکمداری شویا گلینجه، او، چین طرفینه کئچ‌دی. ایسگندر ده اونون آردینجا دوشدو. اویغوردا شو ایسگندرین اؤنونه گنجلردن عبارت بیر قوشون گؤندردی. اونلار ایسگندرین اؤنجوللرینه گئجه باسقینی ائدیب، اونلاری مغلوب ائتدیلر.

سونرا ایسگندر اویغوردا شهرلر سال‌دی. بیر مدت اورالاردا قالدیق‌دان سونرا چکیلدی گئتدی. ایسگندر گئدندن سونرا شو گئرییه دؤندو. بالاساقونا گلیب شو شهرینی سالدی. اورایا تیلسیم قویدوردو. ایندییه قدر لئیلکلر او شهرین اؤنونه گلیر، آنجاق او یانا کئچه بیلمیرلر. تیلسیم اؤز قوه‌سینی بو گونه قدر ساخلاییر.

تاریخ
2020.05.22 / 14:24
مولف
Axar.az
شرح لر
دیگر خبرلر

گونئیی میللی اویانیشا سسله‌یه‌ن معاریف‌چی - فراهانی

مهستی گنجوینین تخلصوله باغلی تاریخی روایت

خورواتییانین ان گؤزل شهری -دوبروونیک

تبریزلی عالیم باکیخانووا حصر ائتدیی ویدئوچارخی تقدیم ائتدی

قاجارلارین سقوطو هان‌سی دؤولتین کشفیاتینین ایشی ایدی؟

مهدی سلیمی ائوین حبس‌خاناسینا کؤچورولدو

قاشقایی تورک‌لرینده دویو (پیرینچ) دؤیمک دَبــی (گله‌نه‌یی)

سیخینتی‌لی روزیگار یاشایان همه‌دان‌لی صوفی شاعر

دونیا مقیاسیندا ان چوخ اوخونان کیتابلار

تبریز میللی کیتابخاناسی: یارادیجی‌سی و فعالیتی-فوتو

خبر خطّی
 
Axar.az'da reklam Bağla
Reklam
Bize yazin Bağla