شعرین هله ده باش آلیب گئتدییی بیر واختدا نثر چاتیشمازلیغیمیز گؤز قاباغیندادیر؛ هم علمی نثر، هم ده بدیعی نثر.

دفعه‌لرله دئمیشم: دئموکراتیک بیر توپلومون یازی ژانری نثردیر‌؛ اؤزه‌للیک‌له بدیعی نثر. رقیه کبیری‌نین اؤیکولری، رومان‌لاری ائستئتیک حظی ایله یاناشی بو باخیمدان اؤنملی‌دیر. سون واخت‌لار گؤنئیده اونون قده‌ر پروفسیونال بدیعی نثر یازان اولمامیشدیر. بونا وطنداش توپلومون گئرچکلشمه‌سینه دوغرو آتیلان آددیم کیمی باخمالیییق. بونو آلقیشلامالیییق.

کبیری‌نین نثری دیل باخیمیندان پروبلئماتیک دئییل. آمما، آزاجیق اولسا دا، اونون یازی‌لاریندا بعضی گراماتیک یانلیشلیق‌لار گؤرمک، بعضن ده باشقا دیل‌لرین هئگئمونیاسینی سئزمک اولور.

رقیه کبیری‌نین باشقا اوستون یؤنو أخلاقی کاراکتئری‌دیر. شارلاتانیزمین، کور نیفرت‌لرین، أدبی گروپلاشمالارین مئیدان اوخودوغو بیر واختدا أخلاقی یاشاماق اینسانلیغین باشلیجا شرطی‌دیر.