پوتینله پاشینیانین کریتیک گؤروشو باشلادی
8 مای 23:47
آنا صحیفه کولت |
کولت .آذ مممد آرازین شعرینی تقدیم ائدیر:
بویروقلارا سیغیشمایان ایناددیم،
چوخ قانادلار یوروب سالان قاناددیم.
اولدوزلارا بارماق سیلکیب، داش آتدیم؛
نیزاملارا باش ایمزدی نیزامیم.
قایالاری هاچالاردی قودرتیم،
بولودلاری پارچالاردی قودرتیم
شیمشکلری قیچالاردی قودرتیم،
یورولاندا نور میزرابلی اوزانیم.
او سئلابلار سئللییم یالانمیش،
اؤتن گونلر چالاغانمیش، چالانمیش.
بیرجه کؤورک خاطرهلر قالانمیش،
اونو دا کی، ها چئویریم، ها سانیم...
وطن منه اوغول دئسه نه دردیم،
مامیر اولوب قایاسیندا بیتردیم.
بو تورپاقسیز هاردا، نه واخت، نه دردیم --
خزانیمدیر، خزانیمدیر، خزانیم.
دونهنیمی دؤشدن آسان دئییلهم،
دونهنیمه قبیر قازان دئییلهم.
اورییمسیز کلمه یازان دئییلهم،
نه قدر کی، اؤز علیمدی یازانیم.
تاریخ
2020.05.25 / 16:55
|
مولف
Axar.az
|