آنا صحیفه کولت |
«ایروان خانلیغینین بؤلگه مطبخی» کیتابی ایستانبولدا تئاس پرس نشریاتی طرفیندن چاپدان چیخیب.
آخار. آذ خبر وئریر کی، «آذربایجان تورپاقلارینا و مدنی ارثیمیزه زامان-زامان گؤز دیکهن ارمنیلر، چوخ واخت مطبخ و یئمکلریمیزی ده اؤزونونکولشدیرمهیه چالیشیرلار. بونا گؤره آذربایجان گئرچکلیکلرینی بین الخالق عالمده یایماق، ارمنی یالانلارینی ایفشا ائتمک و اونلارین گئرچک سیماسینی آچیب گؤسترمک هر بیر آذربایجان وطنداشینین اساس بورجو اولمالیدیر.
تدقیقات ایشلریندن آیدین اولور کی، هله ۱۹۶۰-جی ایلده ارمنیستان اس اس ار علملر آکادمییاسی «ارمنی یئمکلرینی برپا ائتمک» مقصدیله گؤیچه و زنگزور محاللاریندا آذربایجان تورکلرینین یاشادیقلاری کند و قصبهلردن توپلانیلان ماتئریاللار اساسیندا ارزاق محصوللاری و یئمک نؤعلرینین آدلارینی، اونلارین حاضرلانما قایدالارینی ساختالاشدیراراق «ارمنیستان مطبخی» آدلی کیتاب نشر ائتدیریب.
لاکین «ایروان خانلیغینین بؤلگه مطبخی» کیتابینی ورقلدیکجه معلوم اولور کی، ارمنیلرین میللی مطبخیمیزه عایید اولان، تاریخاً ایروان خانلیغینین، ائلجه ده حاضردا «ارمنیستان» آدلانان تاریخی آذربایجان تورپاقلاری اهالیسینین قیدا راسیونوندا یئر توتان یئمک و ایچکیلرین بوتونلوکله اؤزونونکولشدیرمهیه و «ارمنی یئمکلری» کیمی تانیتماغا چالیشمالارینا رغما اورادا یئر آلان یئمکلرین اکثریتینین، ارزاق محصوللارینین، مئیوه-تروزین، ادوالارین، دئمک اولار کی، هامیسینین آدلاری یئنه ده آذربایجان تورکجهسیندهدیر (آفشیلا-اووشالا، گؤگوپلوو، اودپلوو، دولما، قووورما، بوزارتما، کته، لاواش، دادلی آلا، ماستابا شورباسی، موممرپلوو و س.).
کیتابدا ایروان مطبخینه عایید چوخسایلی قیدا محصوللارینین، زنگین چئشیدلی مطبخ لوازیماتلارینین، ۴۱۳ نؤعده یئمک و ایچکی آدلاری و اونلارین حاضرلانماسی قایدالاری وئریلیر کی، بو دا غربی آذربایجان تورپاقلارینی احاطه ائدن ایروان خانلیغی اراضیسیندهکی مطبخ و سفره مدنیتی حاقیندا عیانی تصور یارادیر. ان باشلیجاسی ایسه کیتاب هر کسی روحا بو گون اسیرلیکده اولان وطن تورپاغینا آپاریر، او تورپاقلارین گؤزللیینی، تندیرینین عطرینی، یئمکلرینین لذتینی بیر داها یادا سالیر.
تاریخ
2020.05.30 / 21:25
|
مولف
Axar.az
|