اینسان دوغولور و اوزون حیات یولونا آتیلیر. اوشاق‌لیق‌دا، حدی-بولوغا چاتان‌دا اونون پئشه یولو معین اولور. بو یول‌دا سای‌سیز-حساب‌سیز سئچیملر اولور. اما هر بیر اینسانا ایلاهی وئرگی وئریلیب. بو، یارادیجی‌لیق وئرگی‌سی‌دیر. اینسان شخصیتینین نه و کیم اولدوغونو گؤستریر.

کولت. آذ خبر وئریر کی، بو سؤزلری خالق آرتیستی فخرالدین مانافوو همکاری، مرحوم خالق آرتیستی فواد پولادوودان بحث ائدرکه‌ن سؤیله‌ییب.

او، ای تی وی-ده یاییم‌لانان "اؤتن گونلر" وئریلیشین‌ده دوستو حاق‌دا فیکیرلرینی بئله ایضاح ائدیب:

"فواد پولادوودا یارادیجلیق روحو گوج‌لو ایدی. اونون صنعته گلمه‌سی تصادفی دئییل‌دی. او، اونا گؤره صحنه‌ده و اکران‌دا روحون اووسون‌چو جازیبدار حیاتینی یارادیب اینسانلارا بخش ائتمیی اؤزونه بورج بیلیردی. بونو بؤیوک پئشکارلیق و مهارتله ائدیردی. فواد دونیا سوییه‌لی بیر آکتیور ایدی. او، سوموکلرین‌ده ایلیگیندک آذربایجان‌لی، تپه‌دن-دیرناغادک وتنپرور ایدی. بلکه ده ائله بو سبب‌دن فواد پولادوو تکجه اؤز میللتینی تانییان، یالنیز اؤز دیلین‌ده دانیشان اینسانلاری سئویردی، بئله اولمایان هر کسی لعنتله‌ییب، دار دوشونجه‌لی ساختا وطنپرورلیگی قطعی قبول ائتمیردی. پولادوو عوموم‌بشری دوشونه‌ن، مدنیتیمیزین یوکسک پیلله‌سین‌ده دوران شخصیت، یارادیجی بیر اینسان ایدی. فواد، عزیزیم، هر زامان اورییمیزده‌سه‌ن!".