آنا صحیفه کولت |
آذربایجاندا مدنیت اوزره علمی-مئتودیکی و ایختیساسارتیرما مرکزی طرفیندن «زووم» پروقرامی واسطهسیله «دده قورقوددان قالان میراس - آشیق صنعتی» مؤوضوسوندا بئینلخالق علمی-پراکتیک ویدئوکونفرانس کئچیریلیب.
کولت. آز خبر وئریر کی، کونفرانسا آذربایجان، تورکییه، قازاخیستان، ایران و قیرغیزیستاندان اولان ساز-سؤز دونیاسینین علم آداملاری قوشولوب.
آذربایجان اراضیسینده تاریخاً گنجباسار، بورچالی، گؤیچه، آغبابا-چیلدیر، درلیز، تبریز، اورمییا، شیروان کیمی آشیق موحیطلری فورمالاشیب. بو باخیمدان «دده قورقوددان قالان میراس - آشیق صنعتی» مؤوضوسوندا کونفرانسین تشکیلی بؤیوک اهمیت کسب ائدیر. کونفرانس چرچیوهسینده آشیق صنعتینین گنجلر آراسیندا تبلیغی یوللاری، بیرگه لاییحهلر و دونیادا مؤوجود نظری یاناشمالار اطرافیندا گئنیش فیکیر موبادیلهسی آپاریلیب.
ویدئوکونفرانسدا «آذربایجان آشیق صنعتینده شیروان موحیطینه دایر»، «قاراباغ آشیق موحیطینین اؤزللیکلری»، «تبریز-قاراداغ آشیق موحیطینین اوستاد-شاگیرد عنعنهسی»، «اونلو قارس آشیغی: آشیق شئنلیک بابا حاقیندا»، «سولدوز آشیق موحیطی حاقیندا» و دیگر مؤوضولاردا معروضهلر دینلنیلیب.
خاتیرلاداق کی، آذربایجان، تورکییه و قازاخیستانین بیرگه تقدیماتینا اساساً «دده قورقود ارثی: داستان مدنیتی، خالق ناغیللاری و موسیقیسی» ۲۰۱۸-جی ایلده تورک دونیاسینین مدنیت نومونهسی کیمی اونئسجو-نون قئیری-مادی مدهنی ارث اوزره رئپرئزئنتاتیو سیاهیسینا داخیل ائدیلیب. سؤزوگئدن تورک فولکلور عابدهسینین دین، اخلاق، میشت، فلسفه و سایر تظاهر فورمالاریندان دانیشان معروضهچیلر گلهجکده تدقیقات پوتئنسیاللارینین سفربر اولماسینا دایر رازیلیغا گلیبلر.
تاریخ
2020.07.03 / 09:58
|
مولف
Axar.az
|