ایکی ایلدیر بین‌الخالق آنا دیلی گونو ایله باغلی ایشلر گؤروره‌م. اؤتن ایل »شیریندیل» ماهنیم مشهور اولدو و خالق طرفین‌دن بینیلدی. بو ایل ایسه "دیل ائوین وارلیغیدیر" کلیپی ایله خالقیمیزین قارشی‌سینا چیخدیم. بو کلیپی و ماهنینی دا خالقیمیز چوخ سئودی.

بو سؤزلری Axar.az-آ گونئی آذربایجان‌دان اولان تانینمیش موغننی مجید عصری یئنی کلیپی ایله باغلی دانیشارکن دئییب.

«تهران‌دا، اردبیلده و خیاودا معلم کیمی چالیشیرام. اوشاقلارا آذربایجان خالق ماهنیلاری و تصنیفلر اؤیردیرم. کلیپین چکیلیشلرینده تهران‌دا، اردبیل‌ده و خیاودا درس دئدییم شاگیردلر اشتراک ائدیب. ماهنینین سؤزلری بختیار واهابزاده‌یه، موسیقی‌سی ایسه منه عاییددیر. کلیپین رژیسورو سجاد دادپوردور. نفس آلتلرینده شیمالی آذربایجان‌دان اولان ایدریس تاغییئو ایفا ائدیب. آرانژیمان نوید ایقبالییه عاییددیر».

قید ائدک کی، مجید عصری ۲۰۱۷-جی ایلده آذربایجان تلویزییا مغام موسابیقه‌سینین ۳-سو اولوب. اونون معلمی خاننده قضنفر عباسوو اولوب.