بو گون مشروطه دؤورونون آذربایجان ضیالی‌سی و تنقیدچی شاعرلرین‌دن اولان میرزه علی معجوز شبوسترینین دوغوم گونودور.

Kult.az خبر وئریر کی، او، ۱۸۷۳-جو ایل مارتین ۲۹-دا گونئی آذربایجانین گونئی محالانین شبوستر شهرین‌ده آنادان اولوب.

ایلک تحصیلینی شبوسترده مدرسه‌ده آلان میرزه علی آتاسی اؤلدوک‌دن سونرا، ۱۶ یاشین‌دا ایستانبول‌دا یاشایان قارداشلارینین یانینا گئدیب، اورادا تدریس لوازیماتی ساتماقلا مشغول اولوب. ایستانبول موحیطی مؤجوزون دوشونجه و ادبی یارادیجیلیغینین فورمالاشماسین‌دا اهمیت‌لی رول اویناییب. او، ایستانبول‌دا واختینین چوخونو کیتاب اوخوماق ایله کئچیریب، شرق ادبیاتینی، معاصر اجتماعی-سیاسی مطبوعاتی داوام‌لی ایزله‌ییب.
مؤجوز شبوستره قاییتدیق‌دان سونرا وطنینین معاصر دؤورون طلبلرین‌دن اولدوقجا گئری قالدیغینی گؤرور. او، بورادا یارانان تنقی‌دی دوشونجه و تسسوراتینی شئیر ایله ایفاده ائدیر.

معجوز، همچینین، واختینی مشهور عالیم و متفکر شئیخ محمود شبوسترینین مقبره‌سینه خیدمت‌ده کئچیریب، وطنداشلارینین جهالت‌دن قورتولماسی و مده‌نی حیاتا چیخماسی اوچون چالیشیب. شبوسترده مؤوهومات‌چی اونسورلرین مقاومتینی قیراراق ۱۹۳۲-جی ایلده بیرینجی دفعه قیز مکتبی آچان، قادین آزادلیغینی کسکین و تأثیرلی سؤزلری ایله مدافعه و تبلیغ ائد‌ن میرزه علی معجوز بو ساحه‌ده ایران‌دا عملی آددیم آتان ایلک شخصلردن بیری حساب ائدیلیر.

ان خیردا معیشت مسئله‌لرین‌دن توتموش ان بؤیوک اجتماعی مؤوضولارا، ضروری سیاسی حادثه‌لره قدر گئنیش مؤوضو دایره‌سی معجوزون اثرلرینده خصوصی بیر اصلوب ایله عکس اولونوب. مؤجوز گونئی آذربایجان‌دا صابیر ادبی اصلوبونو داوام ائتدیره‌ن دموکراتیک روح‌لو، ساده، آنا دیلینده یازان خالق شاعری اولوب. اونون یارادیجیلیغین‌دا وطنپرورلیک و میللی آزادلیق ایدئیالارینین ترنمو، معاریف و مدنیته چاغیریش دا اؤنملی یئر توتور.
معجوز آنا دیلی اوغرون‌دا مباریزه‌ده فعال ایشتیراک ائدیب، شعیرلرینی ساده خالق دیلین‌ده یازیب. اونون بیر سیرا شعیرلری چاپ اولونمازدان اول آغیزدان-آغیزا یاییلیب.

میرزه علی مؤجوز یاشادیغی دؤورده ایرتیجاعچی، موهومات‌چی دین خادیملرینین و اونلارین کؤله‌سینه چئوریلمیش ساوادسیز کوتله‌نین داوام‌لی تضییقلری ایله اوزلشیب. ملالارین منافعینه توخوندوغو اوچون اونلار طرفین‌دن کافیر اعلان ائدیله‌ن معجوز بونا گؤره دفعه‌لرله هجوملارا معروض قالیب، ائوی و الیازمالاری یاندیریلیب.

سونراکی دؤورلرده اونون اثرلرینین بعضیلرینین نشرینه گؤز یومولسا دا، ایران‌دا ۱۹۷۹-جو ایلده ملالارین حاکمیته گلیشیندن سونرا شعیرلرینین چاپینا قاداغا قویولوب. شاعرین اثرلری گیزلی شکیل‌ده معارفیپرور آذربایجان‌لیلار طرفین‌دن نشر ائدیله‌رک یاییلیب.

آذربایجانین ادبیات تاریخین‌ده اؤزونه مخصوص یئری اولان معجوز ۱۹۳۴-جو ایل سئنتیابرین ۲۵-ده ایرانین شاهرود شهرین‌ده وره‌م خستلییندن دویاسینی دییشیب.