بو گون خالق رسامی توغرول نریمانبیووون آنادان اولماسینین
۹۳-جو ایلدؤنومودور.

Kult.az خبیر وئریر کی، اصله‌ن شوشالی اولان تغرول نریمانبیوو ۷ آوقوست ۱۹۳۰-جو ایلده باکی شهرین‌ده دوغولوب.

نریمانبیووون باباسی شوشالی حقوقشوناس امیربی نریمانبیوو آذربایجان خالق جمهوریتی قورولاندان سونرا وطنه قاییدیب و باکی‌دا قوبرناتور اولوب. امیربیین اوغلو فرمان (توغرولون آتاسی) دا شوشادا دوغولوب. فرمان نریمانبیوو ایرما لیا رودئ آدلی فرانسیز مدلیئرله ائولنیب.۱۹۲۹-جو ایلده فرمان نریمانبیوو خانیمی و اوغلو ایله بیرلیکده باکییا قاییدیب. ۱۹۳۰-جو ایل آوگوستون ۷-ده نریمانبیوولار عائله‌سینین ایکینجی اوغلو - توغرول دونیایا گلیب.

آوروپادا تحصیل آلمیش والیدینلرینین زنگین معنوی عالمی توغرولون تربییه‌سینه، ائرکه‌ن یاشلاریندان هرطرف‌لی، مکمل فورمالاشماسینا تأثیر ائدیر.

او، فیطری ایستعدادی و بؤیوک زحمتی سایه‌سینده آذربایجان رسام‌لیق مکتبینده یئنی یول آچماقلا چوخلارینین قیبته ائتدیی سوییه‌یه اوجالیب، صنعت‌سورلرین رغبتینی، کیچیک‌دن-بؤیویدک مختلیف زؤوق‌لو اینسانلارین محبتینی قازانیب، اونلاردا رساملیغا سونسوز سئوگی و ماراق اویادیب.

دونیایا بوزوونادان، ایچریشهردن، آبشئرون‌دان بویلانیب، گؤیچای نارینا ابدی خوشبختلیک گتیریب، هارادا اولدوسا آذربایجانی دوشونوب، وطنی تمثیل ائدیب. بو سئوگی ایله دونیانی دولاشیب، مرد، مغرور، قورورلو بیر اینسان عمرو یاشاییب، صنعتی ایله شخصیتینی تاماملایا، کامیللیک زیروه‌سینه اوجالا بیلیب.

نار اونون رسملرینده گؤیچایدان باکییا، اورادان دا پاریسه، نیو-یورکا، ایستانبولا، لوندونا، مسکوایا و نئچه-نئچه اوزاق شهرلره گئدیب چیخیب. اونون اثرلری دونیانین بیر چوخ اینجه‌صنعت موزئیلرین‌ده، فوندلاردا ساخلانیلیر. چئخییا، روسییا، هیندیستان، فرانسا، لیتوا، آمریکا و دیگر اؤلکه‌لرده گؤرکملی رسامین فردی سرگیلری کئچیریلیب.

توغرول نریمانبیوو تکجه رسام دئییل، هم ده اوپرا ایفاچی‌سی ایدی. اونون گؤزل، مخمری باریتون سسی وار ایدی. کلاسیک اوپئرالاردان، خصوصیله ایتالییا بسته‌کارلارینین اثرلریندن آرییالاری پئشه‌کار سوییه‌ده ایفا ائدیردی.

نریمانبیوو ۳۰ یاشیندا امکدار، ۳۳ یاشیندا ایسه خالق رسامی آدینا لاییق گؤرولوب. ۱۹۷۴-جو ایلده دونیا شهرتلی بسته‌کار فیکرت امیرووون "نسیمی داستانی"، ۱۹۸۰-جی ایلده ایسه "مین بیر گئجه" اثرلرینه وئردیی صحنه ترتیباتینا گؤره دولت مکافاتی آلیب.

توغرول نریمانبیوو فرانسا معاصر اینجه‌صنعت انسیکلوپدییاسین‌دا حاقین‌دا معلومات وئریله‌ن یگانه آذربایجانلی‌دیر.

دونیاشهرت‌لی فیرچا اوستاسی ۲۰۱۳-جو ایل ایونون ۲-ده پاریس‌ده وفات ائدیب، پاسسی قبیریستانلیغین‌دا دفن اولونوب.