قبرس‌ده «مایا» فیلمینین تقدیماتی کئچیریلیب.

Kult.az بیل‌دیری کی، بو باره‌ده فیلمین سناری مؤلفی و رژیسورو، آذربایجان یازیچیلار بیرلیینین اداره هئیتینین عضوو خیال رضا معلومات وئریب.

قید ائدیلیب کی، تقدیمات شمالی قبرس تورک رسپوبلیکاسینین باش ناظیرلیینین دستیی ایله، توریزم، مدنیت، گنجلیک و اطراف محیط ناظرلییی طرفیندن تشکیل ائدیلیب.

عصمت وحیت گونئی صنعت مرکزینده ناظیرلیین شعبه مدیری، شاعر-یازار جیهان اؤزییلدیزین آپاریجی‌لیغی ایله کئچیریله‌ن «مایا» فیلمینین تقدیماتین‌دا رسپوبلیکا رهبرلییی، میلت وکیللر و صنعت آداملاری اشتراک ائدیبلر.

تقدیمات‌دا چیخیش ائد‌ن شمالی قبرس تورک رسپوبلیکاسی پرزیدنتینین کاتیبلیینین رئیسی چاغین زورت، توریزم، مدنیت، گنجلیک و اطراف محیط ناظیرلیینین ایداره رئیسی شیرین ظافرییلدیزی «مایا» فیلمیندن تاثیرلندیکلرینی وورغولایاراق، قاراباغلا شیمالی قبرسین اوخشار تالعین‌دن سؤز آچیبلار.

فیلمین سناری مؤلفی و رژیسورو خیال رضا قاراباغین ۳۰ ایللیک ایشغال تاریخی، ۴۴ گونلوک ایکینجی قاراباغ محاربه‌سی و شان‌لی ظفریمیز حاقین‌دا دانیشیب.

قید ائدک کی، بین‌الخالق تورک مؤلفلری بیرلیینین و «اس باکو»نون مالییه دستیی ایله چکیلن، عذابلی، اضظرابلی قادین تالعین‌دن بحث ائد‌ن «مایا» فیلمینین اوپراتورو رافیق علیئو، بدیعی رهبری ایسه گؤرکملی کینورژیسور، خالق آرتیستی اوکتای میر قاسیم‌دیر.