بو گون آذربایجان ووکال مکتبینین بانیسی، لیریک-دراماتیک تئنور سسه مالیک اوپئرا مغننی‌سی، گؤرکملی خواننده، آذربایجان و س.س.ر.ی خالق آرتیستی بولبولون وفاتین‌دان ۶۲ ایل اؤتور.

Kult.az خبر وئریر کی، مرتضی مشهدی رضا اوغلو مممدوو (بولبول) ۲۲ ایون ۱۸۹۷-جی ایلده شوشا یاخینلیغین‌دا، حاضردا خانکندینین جنوب اراضی‌سی اولان خانباغی آدلانان یئرده آنادان اولوب.

ایلک تحصیلینی ده بورادا مدره‌سه‌ده آلیب، موللا ایبراهیمین مکتبین‌ده موغام صنعتینین قانون-قایدالارینی منیمسه‌ییب. خصوصیله، گؤرکه‌ملی خواننده جاببار قاریاغدی‌اوغلوندان صنعتین بیر چوخ سیرلرینی اؤیرنیب.

ایلک سحنه فعالیتینه ۱۹۱۶-جی ایلده مشهدی جمیل امیرووون گنجه‌ده صحنه‌یه قویدوغو «سئیفلمولک» اوپئراسی ایله باشلایان بولبول ۱۹۲۰-جی ایلده‌ن آذربایجان اوپئرا و بالئت تئاترینین سولیستی اولوب.

فعالیتینین ایلک ایللرین‌ده اوزئییر حاجیبیلی‌نین «لیلی و مجنون»، «اصلی و کرم»، زولفوقار حاجیبیووون «آشیق قریب» اوپئرالاریندا ابن سلام، کرهم، قریب روللارینی اویناییب. او، ۱۹۲۷-جی ایلده باکی کونسئرواتورییاسینی بیتیریب. یوکسک سس تئمبرینه، ملاحتلی ایفا طرزینه مالیک مغننی تحصیلینی داوام ائتدیرمک اوچون دؤولت خطی ایله ایتالییانین میلان شهرینه گؤندریلیب. ۱۹۳۱-جی ایلده میلان کونسئرواتورییاسین‌دا دئللیپونتی و ر. قرانینین صینیفلرینی بیتیره‌رک وطنه دؤنوب و آذربایجان دؤولت کونسئرواتورییاسین‌دا درس دئمه‌یه باشلاییب.

کلاسسیک ووکال صنعتینه اوستالیقلا ییه‌لنن بولبول آذربایجان‌دا ایلک اولاراق، پروفسیونال ووکال ایفاچیلیغینین بونؤوره‌سینی قویوب.
بولبول اوزئییر حاجیبیلی‌نین شاه اثرین‌ده – «کوراوغلو» اوپئراسین‌دا باش رولون ایلک، هم ده ان یاخشی ایفاچیسی اولوب. کوراوغلو اونون یاراتدیغی اوبرازلارین زیروه‌سی‌دیر. بو اوپئرانی اوزئییر حاجیبی‌لی محض بولبول اوچون یازیب.

بولبول او دؤورده کونسئرواتورییادا تحصیل آلان طلبه‌لری، سونرادان موسیقیمیزی دونیایا تانیتمیش بستکارلاری – نیازی، قارا قارایئو، جؤودت حاجییئو، فیکرت امیروو، سید روستموو، توفیق قولیئو و بیر چوخ باشقالارینی موسیقی کابینئتین‌ده فعالیته جلب ائدیب کی، بو دا خالق یارادیجی‌لیغینا درین‌دن نفوذ ائد‌ن بستکار و موسیقی‌شوناسلارین یئتیشمه‌سین‌ده، ائلجه ده آذربایجان موسیقی ارثینین اؤیرنیلمه‌سین‌ده و یاییلماسین‌دا بؤیوک رول اویناییب.

بولبول ۱۹۳۸-جی ایلده س.س.ر.ی خالق آرتیستی آدینی آلیب، ۱۹۴۰-جی ایلده آذربایجان دؤولت کونسئرواتورییاسینین پروفئسسورو سئچیلیب، ۱۹۵۰-جی ایلده‌ن س.س.ر.ی دؤولت موکافاتی لاورئاتی آدینا لاییق گؤرولوب. عینی زاماندا، ۱-جی و ۵-جی چاغیریش آذربایجان س.س.ر علی سووئتینین دئپوتاتی اولوب، ۲ دفعه لنین، ۲ دفعه «قیرمیزی امک بایراغی»، «شرف نیشانی» اوردئنلری، ایتالییانین «هاریبالدی» اوردئنی و مئداللارلا تلطیف اولونوب.

بولبول ۱۹۶۱-جی ایل سئنتیابرین ۲۶-دا باکیدا وفات ائدیب و بیرینجی فخری خیاباندا دفن اولونوب.