بو گون مشهور دؤیوش اوستاسی، رژیسور، سناریست، ایدمانچی و آکتیور بروس لینین دوغوم گونودور.

Kult.az خبر وئریرکی، بروس لی ۱۹۴۰-جی ایل نویابرین ۲۷-سین‌ده سان-فرانسیسکودا آنادان اولوب.

اونون تام آدی لی ژون-فانقدیر. بو، «یئنی‌دن قاییتماق» دئمکدیر و آناسی طرفیندن لیه وئریلیب.

هونگ کونگ اوپرا موغه‌ننی‌سی اولان آتاسی لی هوی چون حیات یولداشی قریس هو و اوچ اوشاغی ایله ۱۹۳۹-جو ایلده آمریکایا کؤچوب. دؤردونجو اوشاق، هوی جهونین اوغلو سان فرانسیسکودا گاسترول سفرینده اولارکه‌ن دونیایا گلیب.

بروس لی مکتبله ماراقلانمیردی. ابتدای مکتبی بیتیردیکدن سونرا او ، هونگ کونگون کوولوون شهرینده اینگیلیس دیللی اوغلانلار لیسیینه داخیل اولوب. بروس تز-تز پروبلم یاشاییردی. نتیجه‌ده، پیس داورانیشینا گؤره لا سالل-دن قووولوب.

بروس لی’نین باباسی تمیز قانلی بیر آلمان اولوب، یعنی لی تکنیکی جهتدن آوروپالی ساییلیب. محض بونا گؤره (او، «تمیز قانلی» چینلی دئییلدی) ۱۹۵۰-جی ایللرده بیر چوخ کونگ-فو مکتبلرینه قبول ائدیلمه‌ییب.

بروس لینین ایلک رول آلدیغی فیلم ۱۹۴۱-جی ایلده، اونون هله بیر یاشی اولاندا نماییش اولونوب. ۱۹۵۳-جو ایلده اوستا ییپ ماندان کونگ-فو اؤیره‌نمه‌یه باشلاییب. لی اون سککیز یاشین‌دا ایکن واشینگتن، سیاتلی اونیورسیتتینی بیتیرمک اوچون آمریکایا قاییدیب.

۱۹۶۴-جو ایلده بروس کالیفورنییادا دؤیوش صنعتلرینی اؤیرتمه‌یه باشلاییب. بو واختا قدر کونگ-فو یالنیز چین‌لیلره اؤیردیلیردی. لاکین ، لی بو فیکیرله راضیلاشماییب و باشقالاری ایله بؤلوشمک لازیم اولدوغونو بیلدیریب.

او، هم ده چا چا رقصلرینی اؤیره‌نیردی و حتی ۱۹۵۸-جی ایلده هونگ کونگ رقص یاریشمالاریندا قالیب اولوب.

بروس لی اوخوماغی چوخ سئویردی – اونون ائو کیتابخاناسی ۲۵۰۰-دن چوخ کیتابدان عبارت اولوب. یئری گلمیشکن، اونون حوبیلریندن بیری ده شئیر یازماق اولوب.

۱۹۶۴-جو ایلده بروس کالیفورنییانین لونق-بیچ شهرین‌ده کئچیریله‌ن کاراتئ چئمپیوناتینا دعوت آلیب. اورادا او، مشهور «اونئ اینجه کیجک» فندینی نوماییش ائتدیریب. او، «اوسلوب‌سوز اوسلوبو» یارادیب و کونق فو-یا یئنی ایستیللر گتیریب. لی کونق-فو صنعتینه ییه‌له‌نمک ایسته‌یه‌ن مشهور اینسانلارین بؤیوک ماراغینا سبب اولوب. اونون طلبه‌لری آراسین‌دا ایستئو مجقوئن، ژو لئویس، شوسک نورریس، ژامس جوبورن و کارئم عبدول-جبار دا داخیل اولماقلا بیر چوخ مشهورلار وار ایدی.

بروس لی-نین شوسک نوریسین معلمی اولماسی ایله باغلی شایعه‌لره باخمایاراق، بو، بئله دئییل. دوزدور، اونلار دوست ایدیلر و حتی بیرلیک‌ده مشق ائدیبلر، لاکین نورریسین سؤزلرینه گؤره، معلم‌لیک ائتمه‌یه قدر گلمه‌دی. لاکین محض اونون سایه‌سینده شوسک نورریس ایلک دفعه کینویا چکیلیب – لی گنج نورری‌سی « Wrecking Crew» فیلمین‌ده ایکینجی پلان رولونا دعوت ائدیب.

شایعه‌لره گؤره، بروس لی سودان قورخوردو – او، اوزه بیلمیردی و کونگ-فو تدریسینده «سو فلسفه‌سیندن» ایستیفاده ائتسه ده، سویا نیفرت ائدیب.

یاریمچیق قالمیش «اؤلوم اویونو» فیلمی بروس لینین اساس فیلمی اولمالی ایدی. اؤزو ده بونو «چوخ سوییه‌لی» آدلاندیریب: اونون قهرمانی، اونا لازیم اولان اشیانین گیزلندیی یئری تاپمالی ایدی و بئش مرتبه‌لی مناستیرا یول‌لاناراق هر مرتبه‌نی و هر بیرینی قورویان بئش اوستادی مغلوب ائتمه‌لی ایدی. اونلارین ایسه اؤزونه مخصوص دؤیوش اوصلوبو وار ایدی.

او، هر گون ۸۰۰۰-دن چوخ مشق ائدیردی، او جمله‌دن ۵۰۰۰ یومروق، ۲۰۰۰ تپیک، کرونجه، پول-اوپ و سایر مشقلرینی ائدیردی.

بروس لی-نین اؤلومو فاجعه‌لی بیر حادثه اولوب. او باش آغریسینا قارشی تابلتکاسینی ایچندن سونرا اونون حالی پیسلشیب. ترکیبین‌ده مپروبامات اولان باش آغریسی هبی آللرگیک رئاکسییایا و بینین شیشمه‌سینه سبب اولوب.

لی ۲۰ ایول ۱۹۷۳-جو ایلده دونیاسینی دییشیب. اؤلوم زامانی اونون جمعی ۳۲ یاشی اولوب.