بو گون سحر ساعتلاریندا تهلوکه‌سیزلیک مأمورلاری تبریزلی رپر میلاد جلیلینی حبس ائد‌رک نامعلوم یئره آپاریبلار.

Kult.az خبر وئریر کی، بو باره‌ده اونون یاخینلاری معلومات وئریب.

رپرین حبس سببی باره‌ده معلومات الده ائتمک ممکن اولماییب.

اونون حبسینین گونئی‌لی میللی-مدنی محبوسلارلا باغلی اوخودوغو و سوسیال مئدیادا گئنیش یاییلان "بیز سوسدوقجا..." آدلی اعتراض مزمونلو ماهنی‌سی ایله باغلی اولدوغو احتیمال ائدیلیر.

رپر ماهنی‌سیندا حاکمیتله یاناشی میللی-مدنی فعاللارین حبسینه بیگانه قالان آذربایجانلیلاری دا قیناییر.

او، ماهنی‌دا گونئی آذربایجانین مختلیف شهرلریندن اولان میللی-مدنی محبوسلارین آدلارینی سادالاییر، حاکمیتله یاناشی، فعاللارین حبسینه بیگانه قالان آذربایجانلیلاری دا قیناییر.