یوخاری

آذربایجانلی رژیسورون فیلمی آلمانییادا قالیب اولدو

آنا صحیفه کولت
12 Punto 14 Punto 16 Punto 18 Punto

«حدیث» قیسامتراژلی آنیماسییا فیلمی آلمانییانین ۲۴-جو «اوپ-آند-جومینگ انترناشینال فیلم فئستیوال هانووئر» فستیوالینین مکافاتینی قازانیب.

Kult.az خبر وئریر کی، «اوپ-آند-جومینگ اینتئرناشینال فیلم آوارد» آدلی مکافاتا فستیوالین بین الخالق مسابقه‌سینین اوچ فیلمی لاییق گؤرولوب.

فیلمین پرمیئراسی دونیانین ان بؤیوک آنیماسییا فستیوالی اولان آنئجی بین الخالق آنیماسییا فیلملری فئستیوالیندا اولوب.

«حدیث» ۳۰-دان چوخ بین الخالق فئستیوالا قبول اولونوب کی، بو فئستیواللاردان دؤردو – آنجی، بوسان، آنیمست و ایزمیر «اوسکار» کوالیفیکاسییالی فستیواللاردیر.

«حدیث» قیسامتراژلی آنیماسییا فیلمی ۲۰۲۲-جی ایلین سنتیابرین ۲۱-ده ایراندا اعتراض آکسییالاری زامانی تهلوکه‌سیزلیک قوه‌لری طرفیندن قتله یئتیریله‌ن ۲۲ یاشلی آذربایجان تورکو حدیث نجفییه حصر اولونوب، ایران‌دا گئندئر، ائتنیک و مدنی آیری-سئچکیلیکله مباریزه آپارانلارا اتحاف اولونوب.

فیلمین رژیسسورو نظرین آغامالییئوا، پرودوسئری رشید آغامالییئو، سسئناری مؤلفلری اسماییل ایمان و نظرین آغامالییئوا، مصلحتچی‌سی مسعود پناهی‌دیر. فیلمین پارتیتوراسیندا آذربایجانین مشهور موسیقیچیسی سئودا علی اکبرزادنین موسیقیسی سسلنیر.

«آنیمافیلم ایستودیو» ستودییاسینین استحصال ائتدیی «حدیث» فیلمی «شیمالی کالیفورنییا آذربایجان مدنیتی مرکزی»نین مالییه و ایدئیا دسته یی ایله چکیلیب. آذربایجان آنیماسییا آسسوسیاسییاسی، «اکینچی» پلاتفورماسی و «سکویگلی» اونلاین آنیماسییا ژورنالی فیلمه مئدیا دستک وئریب.

تاریخ
2023.11.29 / 14:30
مولف
ایسماییلووا سوزاننا
شرح لر
دیگر خبرلر

ایران اصیل‌لی قادین آلمانییا گؤزلی سئچیلدی

ملی گئییمینه گؤره آذربایجان رقصینه اجازه وئریلمه‌دی

گونئی آذربایجان‌دا نووروز عادتلری: اردبیل ایلی نئجه قارشیلاییر؟

بو گون نوروزون ایلک چرشنبه‌سی‌دیر

چینگیزین مصاحیبه آلدیغی لفخانیم ۳۲ ایل سونرا گئری دؤندو - ویدئو

آذربایجانین ان بؤیوک موغام مرکزی آغدام‌دا اولاجاق - خالق آرتیستی

رژیسورونو اؤلدورموش فیلم:«فریاد»

مشهور کانال "بایر"این ماتچیندا ماهنیمیزی سسلندیردی - ویدئو

خوجالی‌دا ارمنی ائویندن تاپیلان کاستلر شوک ائتدی - فوتو

تئاتردا یاشانان عؤمور: شمسی بدل‌بیلی

خبر خطّی
Axar.az'da reklam Bağla
Reklam
Bize yazin Bağla