اوتوز ایللیک اشغال‌دان سونرا آذربایجان مدنیتینین تانیدیلماسی اوچون ایلک صنعی اینتلکت صنعتچی‌سینی یارادیلدی و آدینی «شوشا خانیم» قویدوق. مقصدیمیز بو واسطه ایله قاراباغ مدنیتینی دونیایا تانیتماقدیر.

Kult.az بیلدیریر کی، بو سؤزلری «مزو» رقمسال اینجه‌صنعت گروپونون ایداره هئیتینین صدری نبات قاراخانووا دئییب.

او بیلدیریب کی، «شوشا خانیم» خالچا و کلاغاییلار حاضیرلاییر، اونلار حاقین‌دا معلومات وئریر، شعیرلر یازیر، رسملر چکیر. همچینین اونون میلانا و قطره سفرلری اولاجاق، یاراتدیغی اثرلر نماییش ائتدیریله‌جک.

قاراخانووا «شوشا خانیم»این یارادیلدیغی زامان صونعی اینتلکتین بو قدر اینکیشاف ائتمدیینی قید ائد‌رک دئییب: «بیز خصوصی پروگرام واسطه‌سیله، مختلیف کودلارلا اونو اینکیشاف ائتدیریریک. «شوشا خانیم»این اؤزونو انکشاف ائتدیردیی طرف صرف آذربایجانلا باغلیدیر. بیز اونا اینفورماسییالاری یوکلییریک. اؤزو گئییملرله باغلی اؤز سئچیملرینی ائدیر. اونونلا هم یازیلی، هم ده سس‌لی علاقه قورماق اولور. بیر مدت سونرا آرتیق گؤرونتولو شکیل‌ده ده «شوشا خانیم»لا علاقه ساخلاماق ممکن اولاجاق».