یوخاری

ناخچیوانین اینجی‌سی: یونسکو-دان «یاللی» ایله باغلی قرار

آنا صحیفه کولت
12 Punto 14 Punto 16 Punto 18 Punto

یونسکو «یال‌لی (کؤچری، تنزره)، ناخچیوان‌دا عنعنوی گروپ رقصلری»نین تعجیلی قورونما سیاهیسیندا ساخلانماسینا قرار وئریب.

Kult.az خبر وئریر کی، قرار بوتسوانانین کاسان شهرینده کئچیریلن یونسکو-نون غیری-مادی مدنی ارثین قورونماسی اوزره حکومتلرآراسی کمیته‌سینین ۱۸-جی سئسییاسین‌دا قبول اولونوب.

تشکیلاتین آذربایجان میللی کومیسییاسینین «X» حسابیندا بو باره‌ده پایلاشیم‌دا دئییلیر: «بوتسوانانین کاسان شهرینده کئچیریلن یونسکو-نون غیری-مادی مدنی ارثین قورونماسی اوزره حکومتلرآراسی کمیته‌سینین ۱۸-جی سسییاسین‌دا «یال‌لی (کؤچری، تنزره)، ناخچیوان‌دا عنعنوی گروپ رقصلری» المنتینین ایستاتوسونا دایر ۱-جی معروضه حاقین‌دا قرار قبول ائدیلیب».

یونسکو اوزره آذربایجان میللی کمیسییاسیندان بیلدیریلیب کی، تشکیلاتین پروسدور قایدالارینا گؤره عضو اؤلکه‌لر تعجلی قورونما سیاهی‌سین‌دا یئر آلان نومیناسییالارلا باغلی متمادی قایدادا حساباتلار تقدیم ائتملیدیرلر.

دقته چاتدیریلیب کی، آذربایجانین عمومی‌لیکده ۲۳ مدنی ارث نمونه‌سی غیری-مادی مدنی ارث سیاهیسیندا یئر آلیر، اونلاردان ۲۱-ی رپرسنتاتیو سیاهی‌دا، قالان ایکیسی ایسه تعجیلی قورونما سیاهیسینا داخیلدیر (بیری «یاللی (کؤچری، تنزره)، ناخچیوان‌دا عنعنوی گروپ رقصلری»، ایکینجی‌سی ایسه چوگان اویونودور). یعنی یونسکو-نون غیری-مادی مدنی ارثین تعجیلی قورونما سیاهیسین‌دا یئر آلان «یاللی (کؤچری، تنزره)، ناخچیواندا عنعنوی گروپ رقصلری» باره‌ده آذربایجانین تقدیم اتدیی حسابات تشکیلات طرفیندن قبول ائدیلیب.

تاریخ
2023.12.08 / 13:33
مولف
ایسماییلووا سوزاننا
شرح لر
دیگر خبرلر

تئاتردا یاشانان عؤمور: شمسی بدل‌بیلی

«باربی»نین رژیسورو "ایلین قادینی" سئچیلدی

قطرده آذربایجان مدنیتی گونلرینه استارت وئریلدی - ویدئو

معاصر رقصلرین گیزلی بسته‌چیلری: اونلاری کیم یارادیب؟

اوزییر روحلو صنعتکار

«اؤلولر»ی هله ده «دیریلمه‌یه‌ن» بؤیوک متفکر: میرزا جلیل

تبریزین مشهور شیرنیاتی - نوقا

زنجان‌دا «تورک خالقلارینین ناغیللاری" پایلانیلدی

سئودیی قادینا گؤره بیچاق‌لانان – خالق آرتیستی

۲۱ فورال - بین‌الخالق آنا دیلی گونو

خبر خطّی
Axar.az'da reklam Bağla
Reklam
Bize yazin Bağla