ایتالییانین تورین شهریندهکی «پروموتریک دل بللی آرت» گالرئیاسیندا تشکیل اولونان «بیرینجی مونا لیزا» سرگیسی چرچیوهسینده لئوناردو داوینچینین چکدیی «مونا لیزا»نین داها اولکی وئرسییاسی کیمی تقدیم ائدیلن «مونا لیزا آیلوورتا» اثری نماییشه چیخاریلیب.
Kult.az خبر وئریر کی، اسوچرهدهکی «مونا لیزا» فوندونون باش کاتیبی جویل فلدمان اثرین مؤلفینین محض لئوناردو داوینچی اولدوغونو ادعا ائدیر.
«بیز هئچ بیر شبهه یئری قالمادان، لئوناردونون اصلینده ایکی «مونا لیزا» اثری یاراتدیغینی و بو تابلونون محض همین ایکینجی اثر اولدوغونو ثبوتا یئتیردیک»، – دئیه ج. فلدمان لوندونون «تایم» نشرینه آچیقلاماسیندا بیلدیریب.
لاکین بو «ناعلیتلر» هئچ ده هر کسی قانع ائتمهییب. ایتالییانین مدنیت ناظرینین معاوینی ویتوریو زقاربی اثرده لئوناردونون «روحونون» دویولمادیغینی و کیملرینسه اونون حقیقیلیینه اینانماسینی هئچ جور باشا دوشه بیلمدیینی دئییب.