بو گون خالق شاعری، دراماتورق، اجتماعی خادم نبی خزرینین دوغوم گونودور.

Kult.az بیلدیریر کی، او، ۱۹۲۴-جو ایل دئکابرین ۱۰-دا باکینین خیردالان کندینده دوغولوب.

آتاسی کربلایی علی‌اکبر بابا اوغلو (۱۸۷۳–۱۹۳۳) کندین تانینان تاجیرلریندن اولوب. بیر ایلین ایچینده اوچ اوغلونون وفاتینا دؤزمییب همین ایل اؤزو ده دنیاسینی دییشمیشدیر. آناسی پریخانیم جعفر قیزی (۱۸۸۲–۱۹۶۹) ائودار قادین ایدی. اورتا مکتبی بیتیریب امک فعالیتینه باشلایان نبی خزری ۱۹۴۲–۱۹۴۳-جو ایللرده ایکینجی دنیا محاربه‌سینده آرخا جبهه‌ده اشتراک ائدیب. ۲۰ یاشلی گنج شاعرین یارادیجی‌لیغی صمد وورغونون نظریندن قاچمیر و اونو تاکیدله ۱۹۴۵-جی ایلده یازیچیلار اتفاقینا عضولویه کئچیریر. "چیچکلنن آرزولار" آدلی ایلک شعرلر کتابی ۱۹۵۰-جی ایلده چاپ اولونور. او، ۱۹۴۵–۱۹۴۷-جی ایللرده آذربایجان دولت اونیورسیتتینده، ۱۹۴۷–۱۹۴۹-جو ایللرده لنینگراد دولت اونیورسیتتینده، ۱۹۴۹–۱۹۵۲-جی ایللرده ماکسیم گورکی آدینا ادبیات اینستیتوتوندا عالی تحصیل آلیر. دنیزی حدسیز سئودییندن، خزری کولیینین ده انسانلارا دنیز اترینی بخش ائتدیینه گؤره ۱۹۵۸-جی ایلده "خزری" تخلصو گؤتورور.

نبی خزرینین یارادیجی‌لیغی معاصر آذربایجان پوئزییاسینین پارلاق صفحه‌لریندن بیرینی تشکیل ائدیر. شاعرین اثرلری مؤوضو دایره‌سینین گئنیشلیی و رنگارنگلیی ایله سجییه‌لنیر. انسانین معنوی عالمینی، دوشونجه و آختاریشلارینی یوکسک بدیعی‌لیکله عکس ائتدیرن نبی خزری پوئزییاسی دنیا، انسان و طبیعت حاقیندا فلسفی مضمونو، یوکسک هومانیزمی و میللی کلوریتی سایه‌سینده گئنیش اوخوجو کوتله‌سینین رغبتینی قازانمیشدیر.

"ایللر و ساحللر" (۱۹۶۹)، "اولدوز کاروانی" (۱۹۷۹)، "نسللر-عصرلر" (۱۹۸۵)، "آغ شیمشکلر" (۱۹۸۶)، "تورپاق سنه آند ایچیرم" (۱۹۸۹)، "عؤمور چیناریندان یارپاقلار" (۱۹۹۵)، "عصرین قانلی لاله‌سی" (۱۹۹۶) و سایر کتابلارین مؤلفیدیر.

همچینین نبی خزرینین سئچیلمیش اثرلریندن عبارت بیر کتاب ۱۹۸۸-جی ایل پیروز دیلنچینین واسطه‌سی ایله عرب الفباسینا کؤچوروله‌رک، تهراندا نشر ائدیلیب.

نبی خزری ۲۰۰۷-جی ایلین یانوار آیینین ۱۵-ده سحر ساعت ۱۰:۴۵-ده کسکین ایشمیک اینسولتدان وفات ائتمیش و ۱۶ یانوار تاریخین‌ده ۱-جی فخری خیاباندا دفن ائدیلیب.