بو گون اس.اس.ار.ای خالق آرتیستی، دؤولت موکافاتلاری لاورئاتی، سوسیالیست امیی قهرمانی، گؤرکملی موغه‌ننی رشید بهبودووون آنادان اولماسینین ۱۰۸-جی ایلدؤنومو تمام اولور.

Kult.az خبر وئریر کی، رشید بهبودوو ۱۹۱۵-جی ایلده تیفلیسده خاننده مجید بهبودووون عائله‌سینده دونیایا گؤز آچیب.

آتاسی مشهور خاننده، آذربایجان موغاماتلارینین پارلاق ایفاچی‌سی اولوب. او، آذربایجانین خالق موسیقی اینجه‌صنعتینین بئشیی اولان شوشاداندیر. آناسی فیروزه عباسقولو قیزی وکیلووا اصلن قازاخلیدیر.

اوشاق یاشلاریندان مکتب خوروندا اوخویان بهبودوو عسگرلیک ایللریندن سونرا تیفلیس استرادا گروپلاریندان بیرینین سولیستی اولوب.

رشید بهبودوو ۱۹۴۳-جو ایلین سونوندا باکی کینوستودییاسیندا اوزییر حاجیبیلینین عینی‌آدلی اوپرتتاسینین موتیولری اساسیندا چکیله‌ن «آرشین مال آلان» فیلمینده باش رولا دعوت آلیب. ۱۹۴۵-جی ایلده افیره چیخان فیلم چوخ تئز بیر زامان‌دا نینکی آذربایجاندا، بوتون اس.اس.ار.ای مکانیندا بؤیوک پوپولیارلیق قازانیب. ۱۹۴۶-جی ایلده بو فیلم‌ده‌کی عسگر رولونا گؤره رشید بهبودوو «ایستالین» مکافاتینا لاییق گؤرولوب. آذربایجان کینوسونون قیزیل فوندونا داخیل اولان همین فیلم ۶۰ ایلده‌ن چوخدور کی، موفقیتله نماییش ائتدیریلیر.

پرمیراسی ۲۵ دکابر ۱۹۵۳-جو ایلده اولان «سئویل» اوپراسین‌دا اساس قهرمان - بالاش رولو دا بهبودووا بؤیوک اوغور گتیریر.

بهبودوو ۱۹۶۶-جی ایلده‌ن موسیقی و استرادا صنعتینین جاز، بالت، پانتومیما کیمی مختلیف ژانرلارینی اؤزونده بیرلشدیره‌ن آذربایجان دؤولت ماهنی تئاترینی تشکیل ائدیب و عمرونون سونونادک اونون سولیستی و بدیعی رهبری اولوب. حاضردا بو تئاتر داهی صنعتکارین آدینی داشیییر و صنعت اوجاغینین قارشی‌سیندا رشید بهبودووون عابده‌سی اوجالدیلیب.

بهبودوو آذربایجان خالق ماهنیلارینین و آذربایجان بسته‌کارلارینین ووکال اثرلرینین خاریجی اؤلکه‌لرده پوپولیارلاشماسیندا بؤیوک رول اویناییب. آنسامبل بعضی اؤلکه‌لرده بیر نئچه دفعه، تکجه هیندیستان‌دا ۶ دفعه گاسترول سفرینده اولوب. او، خاریجی اؤلکه‌لرده وئردیی کنسرتلرده یئرلی خالقلارین دیلینده اوخویور، حیرت نیدالاری و آلقیشلارلا قارشیلانیردی. ایران سفری زامانی وئردیی کونسرتلردن ییغیلان وسایتی تهران‌دا گنجلر ائوینین کنسرت سالونونون تیکینتیسینه هدیه ائدیر. ایران گنجلر ناظری چیخیشیندا بیلدیریر کی، تهران‌دا دبدبه‌لی کنسرت کمپلکسی واختیله اونون شرفینه «رشیدییه» آدلاندیریلیب.

بیر چوخ گؤرکملی بسته‌کارلارین ماهنیلاری بهبودووون ایفاسیندا دونیا خالقلارینین ۵۰-دن چوخ دیلینده سسلنیب. بهبودوو دونیانین مشهور اؤلکه‌سینه سفری حاقین‌دا «اوزاق هیندیستان‌دا» کیتابینی یازیر.

میللی موسیقی خزینه‌میزین، ائلجه ده آذربایجان بسته‌کارلارینین اثرلرینین اؤلکه حدودلاریندان کناردا پوپولیارلیق قازانماسی محض رشید بهبودووون بنزرسیز ایفاسی، معجزه‌لی سس چالارلاری ایله ممکن اولوب.

یارادیجی‌لیغی سرحد تانیمایان رشید بهبودووون ایفا ائتدیی هر ماهنی، یاراتدیغی هر اوبراز صنعت حادثه‌سینه چئوریلیب، صنعتکار دفعه‌لرله دؤورونون ان یوکسک مکافاتلارینا لاییق گؤرولوب.

۱۹۸۹-جو ایل ایونون ۹-دا مسکوادا وفات ائد‌ن داهی صنعتکار باکی‌دا فخری خیاباندا دفن ائدیلیب.