یوخاری

میللی حکومتین بناسی: ساعت قله‌سی

آنا صحیفه کولت
12 Punto 14 Punto 16 Punto 18 Punto
میللی حکومتین بناسی: ساعت قله‌سی

تبریزین ان اهمیتلی تاریخی بنالاریندان اولان و شهرین سیمووللاریندان بیرینه چئوریلن ساعت قله‌سی حاضردا باخیم‌سیز وضعیتده‌دیر.

Kult.az خبر وئریر کی، تاریخی بنا اوزون ایللر استثمار ائدیلسه ده، برپاسی و تعمیری اوچون جدی ایش گؤرولمییب.

بیر مدت اوله کیمی تبریز بلدیه‌سینین بناسی کیمی استفاده ائدیلن ساعت قله‌سی (ساعت سارایی دا دئییلیر) حاضردا، تبریز شهر شوراسینین توپلانتیلارینین کئچیریلمه‌سی اوچونده استفاده اولونور.

بونونلا یاناشی، بنانین بؤیوک زالی و باشقا بیر نئچه اتاغی بلدیه موزئیینه چئوریلیب.

بیر مدت اول تبریز شهر شوراسینین معمارلیق و شهرسالما کمیسیاسینین باشچی‌سی تاریخی بنانین تعمیری ایله باغلی پروسسده ناراضیلیغینی بیلدیریب.

او، بنادا آپاریلان ایشلرین دایاندیریلمالی اولدوغونو، اورانین تاریخی عابده کیمی ساخلانیلماسینین واجبلیینی دئییب.

تبریز شهر شوراسینین کئچمیش باشچی‌سی حسن کریم‌زاده دئلیر ایسه تاریخی تیکیلینین جدی تهلوکه‌ده اولدوغو باره‌ده خبردارلیق ائدیب.

او، اوزون ایللر قایداسیز استفاده ائدیلن بنانین آلت قاتینین سو ایله دولدوغونو، تملینین چؤکمک تهلوکه‌سی ایله قارشی-قارشییا قالدیغینی بیلدیریب.

قید ائدک کی، ساعت قله‌سی ۱۹۳۴-جو ایلده آلمان معمار و مهندسلرینین لایحه‌سی اساسیندا انشا ائدیلیب.

تماملاندیقدان سونرا بلدیه بناسی کیمی استفاده‌یه وئریلن سارای ۱۹۴۵-جی ایلده جنوبی آذربایجان میللی حکومتینین مرکزی اولوب.

تبریزده کئچیریلن نمایشلر، اهمیتلی تدبیرلر و شنلیکلرین بیر چوخو محض بو بنانین قارشی‌سینداکی میداندا باش توتوب.

ساعت قله‌سی ۱۹۹۸-جی ایلده ۲۰۵۵ قیدیات نمره‌سی ایله ایرانین میللی اثرلریندن بیری کیمی قیدیاتا آلینیب.

تاریخ
2023.12.22 / 09:19
مولف
جاویدان
دیگر خبرلر

زنجانلی آشیغین ایلدؤنومو مراسیمی کئچیریله‌جک

تاریخچی‌دن تورک سریالینا اعتراض: تاریخی اوخوسونلار!

تورک سریالین‌دا اوزون حسن صحنه‌سی قالماقال یاراتدی - ویدئو

"ایران تاریخینده آذربایجانین یئری" آدلی کتاب نشر اولوندو

مشهور آکتیور فاجیعوی شکیل‌ده اؤلدو

عالیم قاسیمووون ایفاسی مشهور گتا اویونون‌دا - ویدئو

زینب خانلارووا اوزون فاصله‌دن سونرا صحنه‌ده - جانلی ایفا ائتدی

تبریزده "سللاخ" تماشاسینین آفیشاسی تقدیم اولوندو

عاریف میرزیئو دنیاسینی دییشدی

مایک تایسون مشهور تورک سریالین‌دا

خبر خطّی
Axar.az'da reklam Bağla
Reklam
Bize yazin Bağla