بو گون گؤرکملی بسته‌کار، خالق آرتیستی، دولت مکافاتی لاورئاتی، پروفسور سلیمان علسگرووون آنادان اولماسینین ۱۰۰-جو ایلدؤنومو تمام اولور.

Kult.az خبر وئریر کی ، او، ۱۹۲۴-جو ایل فورالین ۲۲-ده شوشادا آنادان اولوب.

ایلک تحصیلینی موسیقی تکنیکومونون تار صینفینده آلیب.

یارادیجیلیق روحونو شوشانین ائعجازکار طبیعتیندن آلان گنج سلیمان عالی تحصیل آلماق اوچون باکییا اوز توتوب.

کنسرواتورییانین بسته‌کارلیق فاکولته‌سینی بیتیره‌ن سلیمان علسگروو قیسا مدت‌ده موسیقی اجتماعیتینده تانینماغا باشلاییب. «اوزییر روحلو صنعتکار» کیمی دیرلندیریلن سلیمان علسگروو عمرونون چوخ حیصه‌سینی پداگوژی فعالیته حصر ائدیب.

او، ۱۹۴۳-جو ایلده اوزییر حاجیبیلینین ضمانتی ایله بسته‌کارلار اتفاقینا قبول اولونوب. سلیمان علسگرووون یارادیجیلیق اوغورلاریندا ۱۹۴۲-جی ایلده بستلدیی «گؤزله منی» ماهنی‌سی بؤیوک رول اویناییب. اون بیر اوپرتانین، او جمله‌دن «اولدوز»، «اؤزوموز بیلریک»، «میلیونچونون دیلنچی اوغلو»، «سئویندیک قیز آختاریر»، «همیشه‌خانیم»، «هره‌نین اؤز اولدوزو» موسیقیلی کمدییالارینین، «بهادور و سونا»، «سولغون چیچکلر» اوپرالارینین، «بایاتی-شیراز» سیمفونیک موغامینین، بیر چوخ سیمفونییا و کانتاتالارین، تار ایله خالق چالغی ارکستری اوچون کنسرتلرین، «وطنیم‌دیر»، «یادا دوشدو»، «سروی خرامانیم منیم» کیمی سئویله‌ن رومانسلارین، ایکی یوزدن آرتیق نغمه‌نین مؤلفی اولوب.

قاراباغدا باش وئرن حادثه‌لره بسته‌کار اؤز فیکرینی بسته‌لرینده ایفاده ائدیب. «یوروش ماهنی‌سی»، «گنجلیک مارشی»، آسلان آسلانووون سؤزلرینه «بو تورپاغا باغلیییق»، «هاراداسان، ایگید اوغلان»، قربان موسی‌یئوین سؤزلرینه «بیز غلبه چالمالیییق»، بشیر نزرلینین سؤزلرینه «بورا وطن‌دیر» ماهنیلاری، بهلول اوروجوغلونون سؤزلرینه «عسگر مارشی»، قودرت عزیزین سؤزلرینه «گوله‌لنه‌ن عابده‌لر» باللاداسی، «آذربایجان پولی‌سی»، «باکی-آنکارا» اثرلری، اورکستر اوچون چوخلو سایدا حربی مارشلار سلیمان علسگروو یارادیجیلیغیندا وطن هارایی، دوشمنه قیصاص چاغیریشی اولوب.

سلیمان علسگروو ۱۹۹۹-جو ایل یانوارین ۲۱-ده وفات ائدیب.